கன்னட நடிகர் சிரஞ்சீவி சார்ஜா சமீபத்தில் திடீரென மாரடைப்பு காரணமாக மரணமடைந்தார். அவரின் மறைவு கன்னட திரையுலகினர் மத்தியில் மிகவும் சோகத்தை ஏற்படுத்தியது.
இந்நிலையில் தற்போது மறைந்த சிரஞ்சீவி சார்ஜாவின் சகோதரரும், கன்னட நடிகருமான துருவா சார்ஜாவுக்கும், அவரது மனைவிக்கும் கரோனா தொற்று இருப்பது உறுதி செய்யப்பட்டுள்ளது.
இது குறித்து அவர் தனது ட்விட்டர் பக்கத்தில் பதிவு ஒன்றை வெளியிட்டுள்ளார். அதில், "எனக்கும், என் மனைவிக்கும் கரோனா தொற்று ஏற்பட்டுள்ளது. இதனால் நாங்கள் மருத்துவமனையில் அனுமதிக்கப்பட்டுள்ளோம். இருவரும் நலமாக இருக்கிறோம்.
நாங்கள் விரைவில் குணமாகி வீடு திரும்பி விடுவோம் என்று எங்களுக்கு தெரியும். இருப்பினும் எங்களுடன் நெருக்கமாக இருந்த அனைவரும் கரோனா பரிசோதனை செய்துகொள்ளுமாறு" கேட்டுக்கொண்டுள்ளார்.
