'ஒய் நாட்' ஸ்டுடியோஸ் தயாரிப்பில் கார்த்திக் சுப்புராஜ் இயக்கத்தில் தனுஷ் நடிப்பில் உருவாகியுள்ள படம் 'ஜகமே தந்திரம்'. தனுஷின் நடிப்பில் வெளியாகும் 40ஆவது படமான இதற்கு சந்தோஷ் நாராயணன் இசையமைத்துள்ளார்.
ஐஸ்வர்யா லக்ஷ்மி, கலையரசன், ஹாலிவுட் நடிகர் ஜேம்ஸ் காஸ்மோ ஆகியோர் நடித்துள்ள இந்த படத்தின் படப்பிடிப்பு லண்டன், மதுரை உள்ளிட்ட இடங்களில் நடைபெற்றது. தற்போது இந்த படம் திரையரங்கில் வெளியாகமல் நேரடியாக நெட்ஃபிளிக்ஸ் ஓடிடி தளத்தில் வெளியாகும் என அறிவிக்கப்பட்டுள்ளது.
இந்நிலையில், இப்படத்தை நெட்ஃபிளிக்ஸ் நிறுவனம் ரூ.55 கோடி கொடுத்து வாங்கியுள்ளதாக தகவல்கள் தெரிவிக்கின்றன. இதன் மூலம் தமிழ் திரைப்பட வரலாற்றிலேயே நெட்பிளிக்ஸில் அதிகபட்ச விலைக்கு விற்கப்பட்ட படமாக 'ஜகமே தந்திரம்' உள்ளது. இந்த படத்தின் ரிலீஸ் தேதி விரைவில் அறிவிக்கப்பட உள்ளது.
இதையும் படிங்க: தனுஷ், அனிருத், சந்தோஷ் நாரயணன் காம்போவில் தெறிக்கவிடும் 'புஜ்ஜி' பாடல்
