தொடர் தோல்வியில் இருந்து கொலைகாரன் திரைப்படம் கொடுத்த வெற்றி விஜய் ஆண்டனிக்கு புது தெம்பை கொடுத்துள்ளது. நல்ல நல்ல கதைகளை தேர்ந்தெடுத்து நடித்து வரும் விஜய் ஆண்டனி தற்போது ஆனந்த் கிருஷ்ணன் இயக்கும் புதிய படத்தில் ஒப்பந்தமாகியுள்ளார். இப்படத்தை செந்தூர் ஃபிலிம் இன்டர்நேஷனல் சார்பில் T.D.ராஜா தயாரிக்கிறார்.
தற்போதைய சூழலுக்கேற்றவாறு அரசியலை மையப்படுத்தி உருவாகும் த்ரில்லர் கதைக்கு ஜோகன் இசையமைக்கிறார். N .S உதயகுமார் ஒளிப்பதிவு செய்கிறார். முன்னதாக விஜய் ஆண்டனி 'எமன்' படத்தில் அரசியல்வாதியாக நடித்திருந்தார். அப்படம் எதிர்பார்த்த வெற்றியை பெறவில்லை. 'ராஜவம்சம்' என பெயர் வைத்துள்ள இப்படத்தின் பூஜை இன்று தொடங்கியது . இதில் படத்தின் இயக்குநர், தயாரிப்பாளர் விஜய் ஆண்டனி உள்ளிட்ட பலரும் கலந்துகொண்டனர்.
இப்படத்தில் நடிக்க இருக்கும் இதர நடிகர், நடிகைகள் மற்றும் தொழில்நுட்பக் குழு பற்றிய முழு விவரங்கள் விரைவில் அறிவிக்கப்படும் என எதிர்பார்க்கப்படுகிறது. அடுத்த வெற்றியை நோக்கி ராஜவம்சத்தில் கைகோர்த்திருக்கும் விஜய் ஆண்டனிக்கு வாழ்த்துகள் குவிந்த வண்ணம் உள்ளன.
இறுக்கமான முகம், நடனம் தெரியாது என விமர்சிக்கப்பட்டாலும், விஜய் ஆண்டனி தனக்கு ஏற்ற கதைகளில் நடித்து வந்தாலும் த்ரில்லர் சப்ஜெக்டில் இருந்து ஜாலியான படத்தில் எப்போது நடிக்கப் போகிறார் என்பதே ரசிகர்களின் கேள்வியாக இருந்து வருகிறது.
