சென்னை : தேசிய திரைப்பட விழா நாளை (அக்.25) டெல்லியில் நடைபெறுகிறது. இந்த விருது விழாவில் நடிகர் ரஜினிகாந்துக்கு இந்தியத் திரைத்துறையில் மிக உயரிய தாதாசாகேப் பால்கே (வாழ்நாள் சாதனையாளர்) விருது வழங்கப்படுகிறது.
தமிழ் திரைத்துறையில் உச்ச நட்சத்திரமான ரஜினிகாந்துக்கு 51ஆவது தாதாசாகேப் பால்கே விருது வழங்கப்படுவதாக ஒன்றிய அரசு ஏப்ரலில் அறிவித்தது. மேலும் நடிகர் தனுஷுக்கு சிறந்த நடிகருக்கான விருதும், நடிகர் விஜய்சேதுபதிக்கு (சூப்பர் டீலக்ஸ்) சிறந்த துணை நடிகருக்கான விருதும் வழங்கப்படவுள்ளது.
டெல்லி புறப்பட்டார் நடிகர் ரஜினிகாந்த்
இந்நிலையில், நடிகர் ரஜினிகாந்த் விஸ்தாரா விமானத்தில் டெல்லி புறப்பட்டுச் சென்றார். முன்னதாக, இன்று காலை 7:00 மணிக்கு சென்னை விமான நிலையத்தில் இருந்து நடிகர் தனுஷ், விஜய் சேதுபதி ஆகியோர் டெல்லி புறப்பட்டனர்.
