கரோனா தொற்றை வெல்லும் ஆயுதமாக கரோனா தடுப்பூசி மட்டுமே உள்ளது. இதன் முக்கியத்துவம் குறித்து பொதுமக்களுக்கு விழிப்புணர்வை ஏற்படுத்தும் விதமாக திரைப் பிரபலங்கள், விளையாட்டு வீரர்கள், அரசியல் கட்சித் தலைவர்கள் உள்ளிட்டோர் தடுப்பூசி போட்டுக் கொண்டு அந்தப் புகைப்படங்களை சமூக வலைதளப்பக்கத்தில் பதிவிட்டு வருகின்றனர்.
அந்த வகையில் தமிழில் 'கபாலி' படத்தில் ரஜினிகாந்துடன் இணைந்து நடித்தவரும், பிரபல பாலிவுட் நடிகையுமான ராதிகா ஆப்தே நேற்று (மே 21) கரோனா தடுப்பூசியின் முதல் டோஸை செலுத்திக்கொண்டார்.
அப்போது அவர் எடுத்துக்கொண்ட புகைப்படம் தற்போது சமூக வலைதளத்தில் வேகமாகப் பரவி வருகிறது. முன்னதாக பாலிவுட்டில் அமிதாப் பச்சன், சல்மான் கான், சஞ்சய் தத், ஹேமா மாலினி உள்ளிட்ட பிரபலங்கள் கரோனா தடுப்பூசி செலுத்திக் கொண்டனர். இவர்கள் பொதுமக்களும் கரோனா தடுப்பூசி எடுத்துக் கொள்ளுமாறு வலியுறுத்தியும் உள்ளனர்.
