59 சீன மொபைல் செயலிகளைத் தடை செய்வது முக்கியமான குறியீட்டைக் கொண்டுள்ளது, ஆனால் அதன் மூலம் கணிசமாக எதை சாதிக்க முடியும் என்பது மிகவும் சந்தேகத்திற்குரியது. சீனாவிற்கு பதிலடி கொடுக்க இந்தியா ஒரு நீண்டகால திட்டமிட்ட பார்வையை வளர்த்துக் கொள்ள வேண்டும் என்று ORF (அப்சர்வர் ஆராய்ச்சி அறக்கட்டளை) தலைவர் சஞ்சோய் ஜோஷி கூறுகிறார். மூத்த பத்திரிகையாளர் ஸ்மிதா ஷர்மாவுடனான உரையாடலில் ஜோஷி ஒரே இரவில் விநியோகச் சங்கிலிகளைப் பிரிப்பது என்பது சாத்தியமில்லை என்றும், முன்யோசனை இல்லாமல் எடுக்கப்பட்டுள்ள இந்த நடவடிக்கை மேக் இன் இந்தியா திட்டத்தை பாதிக்கக்கூடும் என்றும் எச்சரித்தார்.
ஜோஷி மேலும் கூறுகையில், அரசாங்கம் ஒரு போட்டி சூழ்நிலையை உருவாக்க வேண்டும், அப்போது தான் இங்கு தொழிலில் உற்பத்தி செலவுகளை குறைக்க முடியும், மேலும் அரசாங்கமும் தொழில்துறையும் ஒருவருக்கொருவர் நம்ப வேண்டும். சீனாவிலிருந்து இறக்குமதி சார்புநிலையை தைவான் அல்லது வியட்நாம் போன்ற மற்றொரு நாட்டிற்கு மாற்றுவது என்பது சீன மதிப்பு கூட்டல் முத்திரை இல்லாமல் போகும் என்பதற்கு எந்த உத்தரவாதமும் இல்லை என்றும் அவர் கூறினார்.
உயிர்களுக்கும் வாழ்வாதாரங்களுக்கும் இவ்வளவு அதிக செலவுகளைக் கொண்ட ஒரு தொற்றுநோய்க்கு மத்தியில், இந்தியா சீனாவை நோக்கி ஒரு யதார்த்தமான பார்வையை கடைப்பிடிக்க வேண்டும், இல்லையெனில் இந்தியா தனது சொந்த பொருளாதாரத்தை மேலும் சேதப்படுத்தும் என்று அவர் அடிக்கோடிட்டுக் காட்டினார்.
உரையாடலின் தமிழாக்கம்:
கேள்வி- இந்திய அரசாங்கம் 59 சீன ஆப்-களை தடை செய்வது வெறும் அடையாளமா அல்லது இது சீனாவை உறுதியான வகையில் பாதிக்கிறதா?
இதன் ஒரு பகுதியை பார்த்தால் சமிக்ஞை செய்வது போல் தோன்றும், ஆனால் அது எந்த அளவு சாதித்தது என்பது மிகவும் சந்தேகத்திற்குரியது. இதில் நிறைய குறியீடுகள் உள்ளன. ஆனால் இதுபோன்ற போர்க்குணமிக்க காலங்களில், சமிக்ஞை மற்றும் குறியீடுகளுக்கு நிறைய முக்கியத்துவம் உண்டு.
விநியோகச் சங்கிலிகளைப் பிரிப்பதைப் பற்றி, நாளையே சீனாவை நம்பியிருப்பதை முற்றிலுமாக துண்டிக்க வேண்டிய அவசியம் உள்ளது பற்றி நீங்கள் பேசத் தொடங்கினால் அதற்கு சாத்தியமில்லை. யாரும் அதை முயற்சிக்கப் போவதில்லை அல்லது அதைப் பற்றி தீவிரமாக சிந்திக்கப் போவதாக நான் நினைக்கவில்லை. நாம் குறியீடுகளை அகற்ற வேண்டும், விஷயத்தை பற்றி சிந்தியுங்கள்.
நீங்கள் ஒரு திட்டமிட்ட யுத்தத்தில் ஈடுபட்டிருந்தால் அல்லது ஒரு அண்டை நாட்டுடன் ஒரு உத்திசார் உறவில் இருந்தால், அந்த நீண்ட கால திட்டத்திற்கு திட்டமிடல் மற்றும் சிந்தனை தேவை. ரோம் நகரம் ஒரு நாளில் கட்டப்படவில்லை. அதே போல எந்தவொரு விநியோகச் சங்கிலிகளும் ஒரு நாளில் கட்டப்படவில்லை. சீன முதலீடுகள் பல ஆண்டுகளாக பைடு Baidu அல்லது பேடிஎம் PayTm, போன்று இந்தியாவுக்கு வந்து கொண்டிருக்கின்றன.
உங்கள் பொருளாதார அமைப்பில் சீனா மிகவும் ஆழமாக பிணைந்திருக்கிறது. ஆகவே ஒரே இரவில் நீக்குதல் என்பது நடக்காது. இந்தியா மட்டுமல்ல முழு உலகமும் அதனுடன் போராடுகிறது. குறியீடு, பொருள் மற்றும் சமிக்ஞை ஆகியவற்றை மூன்று வெவ்வேறு விஷயங்களாக நாம் சிந்திக்க வேண்டும், பொருளைப் பொருத்தவரை நாம் என்ன நடவடிக்கைகள் எடுக்கிறோமோ, அதுதான் உண்மையில் நீண்ட காலத்திற்கு கணக்கிடப்படுகிறது.
கேள்வி- டிக்டாக்கின் உலகளாவிய வருவாய் 2019ஆம் ஆண்டில் 17 பில்லியன் அமெரிக்க டாலராக இருந்ததாகக் கூறப்படுகிறது, அதிக பதிவிறக்கங்கள் இருந்தபோதிலும் இந்தியாவில் அது 0.03 விழுக்காடு மட்டுமே. இது உண்மையில் சீனாவை எவ்வாறு பாதிக்கப் போகிறது அல்லது வாழ்வாதாரங்களில் இருளைக் கொடுத்துள்ள ஒரு தொற்றுநோய்க்கு மத்தியில் இந்த நிறுவனங்களில் பணிபுரியும் நபர்களையும் இது பாதிக்குமா?
ஆப்-களின் உலகில் மாற்று சாத்தியங்கள் உள்ளன. இந்தியா பெரிய அளவு பின்தங்கியிருக்கவில்லை. உலகெங்கிலும் அதிக எண்ணிக்கையிலான ஆப்-களை உருவாக்குபவர்கள் இந்தியர்கள் தான், ஆப்-களை அதிகம் பதிவிறக்குபவர்களும் கூட அவர்கள் தான். எனது ஆழ்ந்த கவலை என்னவென்றால், பெரிய விநியோகச் சங்கிலிகளைப் பிரிப்பதைப் பற்றி பேசத் தொடங்கும் போது, நாம் பெரிய சிக்கல்களில் சிக்குகிறோம்.
உங்கள் மருந்து பொருட்களில் 70 சதவீதம் இன்று சீனாவிலிருந்து வந்தவை. அவை ஏன் சீனாவிலிருந்து வருகிறது என்பது பல ஆண்டுகளுக்கு முன்பு நமக்கு நாமே கேட்டுக்கொண்டிருக்க வேண்டிய கேள்வி. இன்று நீங்கள் திடீரென்று அந்த விநியோக சார்புகளை குறைக்க முடியாது. இதேபோல் மொபைல்கள், எலக்ட்ரானிக்ஸ், ஆட்டோமொபைல்கள் போன்றவற்றுக்கு, இன்று நீங்கள் சீன விநியோகச் சங்கிலியை வெட்டினால், மேட் இன் சீனாவை வெட்டுவது உண்மையில் மேட் இன் இந்தியாவை பாதிக்கும்.
உங்கள் மேட் இன் இந்தியா திட்டம் நின்று விடும். ஒரு தொற்றுநோய்களின் காலத்தில்போது, நீங்கள் ஒரு வேலைவாய்ப்பு பிரச்சினைகள், பொருளாதாரத்தை விரைந்து மீட்டெடுப்பது போன்ற விஷயங்களில் ஈடுபட்டிருக்கும் போது நீங்கள் உண்மையில் சீனாவை விட உங்களுக்கே அதிக சேதத்தை ஏற்படுத்துகிறீர்கள்.
எனவே இவற்றை நாம் சிந்திக்க வேண்டும். சீனாவை எதிர்கொள்ள நாம் நீண்டகால பார்வை மூலம் திட்டமிடல் ரீதியாக அவ்வாறு செய்ய வேண்டும். குறியீடு மற்றும் சமிக்ஞை அதன் ஒரு பகுதியாகும், சத்தம் போடுவதற்கு, டிஆர்பிக்களுக்கு, தியேட்டர்களுக்கு நல்லது. ஆனால் இதை திட்டமிடாமல் கணிசமான அளவில் செய்ய முடியாது.
கேள்வி- பாதுகாப்பு பற்றிய கவலைகள் நிலவுகின்றனவா? இந்த ஆண்டு மார்ச் மாதம் லோக்சபாவில், சீன ஆப்-களிடமிருந்து உளவுத்துறை அச்சுறுத்தல்கள் குறித்து அமெரிக்காவிடமிருந்து குறிப்பிட்ட தகவல்கள் இருந்தாதா என்ற ஒரு கேள்விக்கு பதிலளித்த உள்துறை அமைச்சர் ஜி. கிஷன் ரெட்டி இல்லை என்றும், ஆப்-களை தடை செய்யும் திட்டங்களையும் மறுத்தார். அது நடந்த சுமார் 100 நாட்களில் பாதுகாப்பு குறித்த காரணம் காட்டி இந்த ஆப்-களை தடை செய்யதுள்ளனர்
பாதுகாப்பு அம்சம் என்பது ஆப்-கள் அல்லது வன்பொருள் இரண்டுமே சீனா அல்லது அமெரிக்காவாக இல்லாமல் இந்தியாவில் எல்லாவற்றையும் நீங்கள் உருவாக்குவதே சிறந்த தீர்வு. உங்களிடம் உங்கள் சொந்த அமைப்புகள் உள்ளன, கட்டுப்பாடுகளை முடிவுக்குக் கொண்டுவருவதற்கான சிறந்த முடிவு உங்களிடம் உள்ளது.
ஆனால் நீங்கள் அதைச் செய்யும் வரை நீங்கள் எப்போதும் வேறொருவரைச் சார்ந்து இருக்கப் போகிறீர்கள். சோதனை செய்வது போன்ற தீர்வுகள் உள்ளன. சோதனை திறன்கள் உங்களுக்கு இல்லையென்றாலும், இஸ்ரேல், ரஷ்யா போன்ற மற்றவர்களிடம் உள்ளது, அதை வளர்க்கும் நாடுகளும் உள்ளன.
பாதுகாப்பு அம்சங்களுக்கு தீர்வுகள் உள்ளன. உங்கள் தரவைப் பாதுகாப்பற்றதாக மாற்றும் வகையில் சில சுவர்கள் கட்டப்பட்டுள்ளன என்று நீங்கள் அஞ்சினால், அதற்கான வழிகள் உள்ளன. நீங்கள் ஆத்மா நிர்பர் அல்லது இந்த விஷயங்களை முழுமையாக நம்பியிருக்காத வரை அது ஒரு வித்தியாசத்தை ஏற்படுத்தாது.
சிஸ்கோ அதே விஷயங்களைச் செய்வது, அமெரிக்க நிறுவனங்கள் அதே விஷயங்களைச் செய்வது பற்றிய கேள்விகள் இருந்தன. விக்கிலீக்ஸ் அமெரிக்கா கதவுகள் மற்றும் நுழைவாயில்களைத் திருப்பி, ஐரோப்பாவில் அதன் நட்பு நாடுகளை உளவு பார்ப்பது பற்றியும் இருந்தது.
சீனாவுடன் கூட இந்த விஷயங்களில் நாம் யதார்த்தமாக இருக்க வேண்டும். சீனாவை ராஜதந்திர ரீதியில் எதிர்கொள்ள நாம் இன்று சில நடவடிக்கைகளை எடுக்க வேண்டும். உங்கள் தொழிற்துறையை நீங்கள் ஒரு போட்டியாக மாற்ற வேண்டும், இது ஒரு வாரம் அல்லது ஒரு மாதத்தில் நடக்காது.
இந்தியாவில் முதலீடு செய்வதையும் வேலை செய்வதையும் மலிவானதாக மாற்ற நீங்கள் அடிமட்டத்தில் இருந்து கடினமாக உழைக்க வேண்டும். இல்லையெனில் நீங்கள் இந்தியாவில் உற்பத்திச் செலவுகளை மட்டுமே உயர்த்தப் போகிறீர்கள், உலகில் உள்ள அனைவரும் உங்களை முந்தி சென்று விடுவார்கள்.
கேள்வி- இந்தியாவில் சீன நிகர முதலீடுகள் 3 ஆண்டுகளில் ஐந்து மடங்கு அதிகரித்து 2014ல் 1.6 பில்லியன் அமெரிக்க டாலரிலிருந்து 2017ல் 8 பில்லியன் அமெரிக்க டாலராக உயர்ந்துள்ளன. மூன்றாம் உலக நாடுகளில் அதிகாரபூர்வ சீன முதலீடுகள் அல்லது கையகப்படுத்துதல் மற்றும் பங்குகள் பற்றிய அதிகாரப்பூர்வமற்ற புள்ளிவிவரத்தை விட குறைந்தது 25 சதவீதம் அதிகம் . இந்தியாவில் எவ்வளவு சீன முதலீடுகள் உள்ளன என்பது குறித்து சரியான மதிப்பீடு உள்ளதா?
இன்று இந்த கேள்விகள் உலகில் குறிப்பாக கோவிட்டிற்கு பின்னர் கேட்கப்படுகின்றன. எந்தவொரு புவியியலையும் குறிப்பாக சீனாவை நம்பியிருப்பது என்பது கணிக்க முடியாதது என்பதை இந்தியாவும் உலகின் பிற நாடுகளும் உணர்ந்துள்ளன. விநியோக சங்கிலியைத் துண்டிக்க முயற்சிக்கும் இந்த விளையாட்டில் முழு உலகமும் ஈடுபட்டுள்ளது.
இது குறைந்தபட்சம் 3 முதல் 7 முதல் 10 ஆண்டுகள் வரை எடுக்கும் ஒரு திட்டம் என்று விவேகமானவர்களுக்குத் தெரியும். அவற்றில் முதலீடு செய்யப்பட்ட நிறுவனங்களும் மக்களும் உள்ளனர், பெரிய நிதி நிறுவனங்கள் உள்ளன. இந்தியாவுக்கு திட்டவட்டமான வாய்ப்புகள் உள்ளன, அதை இன்றே நாம் திட்டமிட வேண்டும்.
கேள்வி- சுமார் 26 பில்லியன் அமெரிக்க டாலர் திட்டமிடப்பட்ட சீன முதலீடுகள் இருப்பதாக கூறப்படுகிறது. நீங்கள் சீனாவுடனான வர்த்தகத்தைத் துண்டிக்கத் தொடங்கும் போது தெரிவு அல்லது மாற்று வழிகள் யாவை?
மூலதனத்திற்கும் முதலீடுகளுக்கும் இந்தியாவை ஒரு போட்டி இடமாக மாற்ற வேண்டும், அதை எளிதாகவும் எளிமையாகவும் மாற்ற வேண்டும். உதாரணமாக, இந்தியாவில் இன்று மிக அதிகமாக இருக்கும் உற்பத்திக்கான செலவுகளை குறைக்க வேண்டும்.
ஆனால் கடந்த காலங்களில் நாம் எடுத்துக்கொண்ட சில கொள்கை முடிவுகள் காரணமாக சீனா அல்லது பாகிஸ்தான் செய்த செயல்களால் அவை அதிகமாக இல்லை. நமது ஆற்றல் விலைகளைக் குறைக்கலாம். இன்று எல்லாவற்றிற்கும் ஒரு எளிய தீர்வு உள்ளது.
இந்த சமயத்தில் ஒரு நிதி நெருக்கடி இருந்தால், வரிகள் உயர்த்தப் படுகிறது . இது எரிசக்தி துறையில் கூட நடக்கிறது. பெட்ரோல் மற்றும் டீசல் விலையில் இந்தியா இன்று போராடி வருகிறது. சிக்கலான காலங்களில் உண்மையில் பொருளாதாரத்திற்கான செலவுகளைக் குறைப்பதற்கான தூண்டுதலாக இருக்கலாம்.
இந்தியாவுக்குள் உற்பத்தி, கட்டிடம், தளவாடங்கள், முழு விநியோகச் சங்கிலி பற்றி நீங்கள் பேசத் தொடங்கும் போது, எது நமது தொழிற்துறையை போட்டித்தன்மையற்றதாக ஆக்குகிறது என்பதை நாம் சிறிது நேரம் கவனிக்க வேண்டும். அப்போதுதான் நாம் சீனாவுடன் போட்டிபோட முடியும். ஒரு சில ஆப்-களை தடை செய்வதன் மூலம் சீனா சவாலை நம்மால் ஏற்க முடியாது.
கேள்வி- அரசாங்கக் கொள்கையைத் தடுத்து நிறுத்துவது எது? அதிலிருந்து அவர்கள் எவ்வாறு முன்னேற முடியும் என்பது பற்றி தொழில்துறையின் கருத்து என்ன?
அடிப்படையில், தொழில்துறை அவர்கள் மலிவாக உற்பத்தி செய்யக்கூடிய சூழலை விரும்புகிறது. தொழிலாளர் சட்டங்களை கைவிடுங்கள் என்று சொல்லவில்லை, கொஞ்சம் திருத்தம் செய்ய சொல்கிறது. எந்தவொரு நல்ல தொழிற்துறையும் உண்மையில் உழைப்பை சுரண்ட அனுமதிக்க வேண்டும் என்று கேட்கவில்லை.
நல்ல விரிவான தொழிலாளர் சட்டங்களை அவர்கள் விரும்புகிறார்கள், அவை உண்மையில் தொழில்துறையைப் பாதுகாக்கின்றன. இந்தியாவில் உங்களிடம் 51 மத்திய சட்டங்கள் இருக்கலாம், அவை அடிப்படையில் உழைப்பைக் கவனித்து வருகின்றன. ஆனால் நெருக்கடி வரும்போது, நீங்கள் ஒரு புலம்பெயர்ந்தோர் நெருக்கடியைக் சந்திக்கும் போது, உங்களிடம் லட்சக்கணக்கான தொழிலாளர்கள் எந்தவிதமான பாதுகாப்பும் இல்லாமல் உள்ளனர் இது ஒரு ஆளுமை தோல்வி, இது நீண்ட காலமாக நடந்து வருகிறது, அதை சரிசெய்ய வேண்டும்.
புது டெல்லியில் அதிகாரத்தின் பாதையில் தொழில்துறை மற்றும் அரசாங்கத்திற்கு இடையே ஒரு உண்மையான தொடர்புபுள்ளி எங்கே இருக்கிறது என்பதைப் பார்க்க நாங்கள் போதுமான கவனம் செலுத்தவில்லை. தொழிலாளர் ஆய்வாளர் அல்லது ஜிஎஸ்டி / கலால் ஆய்வாளர்கள் போன்ற பல துறைகளில் இது உள்ளது.
நிலம் கையகப்படுத்துவதில் தொழில்துறை எதிர்கொள்ளும் பிரச்சினைகள் நிறைய உள்ளன. அவற்றை நிவர்த்தி செய்வது என்பது கடின உழைப்பு மற்றும் சுயதுவக்கம் மூலம் செய்யப்பட வேண்டும். சட்டப்பூர்வமாக மட்டுமே அதை கட்டுப்படுத்த முடியாது.
கேள்வி- அனைத்து இறக்குமதி விவரங்களையும் அறிவிக்குமாறு அரசாங்கம் கூறியுள்ளதை அடுத்து, துறைமுகங்கள் மற்றும் சுங்கங்களில் உதிரி பாகங்கள் வைக்கப்பட்டுள்ளன. டெலிகாம், எலக்ட்ரானிக்ஸ், ஐடி ஆகியவை சீன இறக்குமதியை பெரிதும் நம்பியுள்ளன. இந்த கோவிட் நெருக்கடியின் போது மருந்துகள் துறை இறக்குமதி காரணமாக மோசமாக பாதிக்கப்படக்கூடும் என்ற அச்சம் உள்ளது. இது நன்கு சிந்தித்து எடுக்கப்பட்ட முடிவு என்று தோன்றுகிறதா?
இதில் திட்டவட்டமான முரண்பாடுகள் உள்ளன. இந்த கட்டுப்பாடுகளை வைப்பது மற்றும் இந்த தடைகளில் பலவற்றை உயர்த்துவது என்ற போர்வையில் நீங்கள் உண்மையில் வணிகத்தை கடினமாக்குகிறீர்கள். இந்திய உற்பத்தியால் சீன உற்பத்தியை மாற்றுவதைப் பொருத்தவரை, நீங்கள் உண்மையில் முன்னோக்கி செல்வதை விட சில படிகள் பின்நோக்கி எடுத்து வைத்துள்ளீர்கள்.
இதற்கு இன்னும் நெருக்கமான விரிவான பகுப்பாய்வு தேவை, உங்கள் சொந்த தொழிற்துறையை நம்பத் தொடங்குங்கள். இன்று நாங்கள் நமது தொழிற்துறையை நம்புகிறோம் என்று நான் நினைக்கவில்லை. இன்று நமது தொழில்துறையில் உள்ள அனைவருமே அவர்கள் அனைவரும் பணம் சம்பாதிக்கத் துடிக்கிறார்கள். ஊழல் மிக்கவர்கள் என்று நினைக்கிறோம், ஆம் அவர்கள் பணம் சம்பாதிக்க தான் இருக்கிறார்கள்.
ஆனால் ஆர்வமுள்ளவர்கள் பின்னிப் பிணைந்திருக்கிறார்கள், லாபம் என்பது ஒரு கெட்ட சொல் அல்ல, இலாபங்கள் பொருளாதாரத்திற்கும், மக்கள் வியாபாரம் செய்வதற்கும் நல்லது. தொழில் முனைவோர் மற்றும் அவர்கள் வேலைகள் மற்றும் போட்டி தயாரிப்புகளை உருவாக்குகிறார்கள் என்பதையும் மதிப்போம். அந்த மனநிலையும் தொடர்பும் மாற வேண்டும். ஒவ்வொரு விவசாயியும் ஒரு தொழில்முனைவோர்.
அவர்களை மரியாதையுடன் நடத்துங்கள். நாம் அவர்களைச் சார்ந்து இருக்கிறோம். இது விவசாயம், உற்பத்தி முதல் சேவைகள் வரை பொருளாதாரத்தின் முழு வரம்பையும் கொண்டுள்ளது. நமது மக்களை நாம் நம்பினால் முழு பொருளாதாரமும் அதன் இரண்டு கால்களிலும் நிற்க முடியும். இது இருபுறமும் உள்ளது. மக்கள் அரசாங்கத்தை நம்புவதில்லை. அரசாங்க கொள்கைகள் நீடித்திருக்கும் என்று அவர்கள் நம்பவில்லை. அந்த நம்பிக்கையை இருபுறமும் கட்டியெழுப்ப வேண்டும்.
கேள்வி- மேக் இன் இந்தியா வெற்றியடையும்வரை சீன இறக்குமதியைச் சார்ந்திருப்பதைக் குறைக்க தைவான் அல்லது பிற வாய்ப்புகளை இந்தியா மறுபரிசீலனை செய்ய வேண்டுமா?
அது ஏற்கனவே நடந்துகொண்டிருக்கிறது. ஆனால் மூலத்தின் தோற்றம் இன்னும் அறியப்படவில்லை. எனவே நீங்கள் தைவான் அல்லது வியட்நாமில் இருந்து அல்லது வேறு எங்காவது பொருட்களை இறக்குமதி செய்கிறீர்கள், ஆனால் அதில் சீனாவின் பங்கு எவ்வளவு பெரியது, எவ்வளவு மதிப்பு கூட்டல் உண்மையில் சீனாவுக்குச் செல்கிறது என்பதைக் கணக்கிடுவது மிகவும் கடினம்.
பல்வகைப்படுத்தல் ஒரு உத்தி, ஆனால் அது அதன் சொந்த அபாயங்களைக் கொண்டுள்ளது. எனவே, நாட்டிற்குள் உங்களால் முடிந்ததை முயற்சி செய்து, எந்த மாதிரியான அபாயங்கள் உள்ளன என்பதை அறிந்து மாற்று விநியோகச் சங்கிலிகளை உருவாக்குங்கள். நிறைய உற்பத்தியாளர்கள் சீனாவிலிருந்து மாறத் தொடங்கியதும், உற்பத்தி ஒரு நாட்டிலிருந்து இன்னொரு நாட்டிற்கு மாறியது, மேட் இன் சீனா என்பது மேட் இன் தைவான் அல்லது மேட் இன் வியட்நாம் என்று மாறும். ஆனால் சீனாவில் மிகப்பெரிய மதிப்பு கூட்டல் இன்னும் நடந்து கொண்டிருப்பதை நீங்கள் காண்பீர்கள்.
கேள்வி- உண்மையான கட்டுப்பாட்டு கோடுக்கு ஒரு இராணுவ / இராஜதந்திர தீர்வு குறித்து நீங்கள் எவ்வளவு நம்பிக்கையுடன் இருக்கிறீர்கள்? அதிகமான சீனப் பங்குகளைக் கொண்ட அல்லது சீனர்களுக்கு சொந்தமான பப்-ஜி அல்லது பே-டியம் க்கு அடுத்தது என்ன நடக்கும் மற்றும் PM Cares நிதிக்கு நன்கொடை அளித்ததா?
சீனாவிடமிருந்து நிறைய முதலீடு உண்மையில் உங்கள் சிறந்த முதலீடாகும், அப்போது தான் சீனா போர்க்குணமிக்கதாக மாறாது. அவர்களுக்கு இங்கே பங்குகள் இல்லையென்றால், அவர்கள் அதிக போர்க்குணமிக்கவர்களாக மாறும் ஆபத்து எப்போதும் இருக்கும். இன்று சீனா ஏன் ஒரு குறிப்பிட்ட வழியில் நடந்து கொள்கிறது? இது வாய்ப்புகளை உணர்கிறது.
சில நாடுகள் திட்டமிட்ட மற்றும் பொருளாதார போட்டியாளர்களாக மாறி தனக்கு சிக்கலை உருவாக்கலாம் என்பதை உணர்ந்து, எனவே அதுபோன்ற நெருக்கடியின் போது அவர்களின் ஈடுபடும் செலவை எவ்வாறு உயர்த்துவது? என்று திட்டமிடுகிறது
உண்மையான எல்லை கோடு அல்லது தென் சீனக் கடலில் சீனாவின் நடவடிக்கைகள் அல்லது ஆஸ்திரேலியாவில் சைபர் தாக்குதல்கள் போன்றவை இந்தியா உட்பட அதன் அனைத்து போட்டியாளர்களுக்கும் ஈடுபாடுகளின் செலவுகளை உயர்த்துவதற்காக நன்கு கணக்கிடப்பட்டதாகத் தெரிகிறது.
ஒரு செயல் அல்லது முடிவுக்கு ஒருவர் தன்னை ஈடுபடுத்திக் கொள்ள வந்தால், அவர்கள் உண்மையிலேயே வெளியே சென்று மற்றவர்களுடைய பொருளை எடுத்துக் கொள்கிறார்களா? சீனாவின் இந்த சப்பைக்கட்டு பதிலுக்கு இந்தியாவிடமிருந்து பதில் இருக்க வேண்டும். நாம் எந்த விருப்பங்களையும் மூடக்கூடாது, ஆனால் எல்லாவற்றிற்கும் தயாராக இருக்க வேண்டும். நீண்ட பயணத்திற்கு நாம் இங்கு வந்துள்ளோம். ஆசியா நம் இருவருக்கும் சொந்தமானது.
