குடிபோதையிலிருந்தவரை கத்தியால் குத்தியதில் உயிரிழப்பு: மர்மநபருக்கு வலைவீச்சு!

சென்னை: குடிபோதையில் அமர்ந்திருந்த நபரை கத்தியால் குத்தி கொலை செய்த மர்ம நபரை காவல்துறையினர் தேடி வருகின்றனர்.

சென்னை கொளத்தூர் சத்யசாய் நகர் பகுதியைச் சேர்ந்தவர் முருகன்(43). இவர் திரு.வி.க. நகர் பேருந்து நிலையம் அம்ரீஷ் மஹால் அருகே நேற்று மாலை குடிபோதையில் இருந்துள்ளார். அப்போது மர்ம நபர் ஒருவர் திடீரென்று தனது கையில் வைத்திருந்த கத்தியால் முருகனின் கனுக்காலுக்கு மேல் குத்திவிட்டு தப்பித்து சென்றுள்ளார்.

ரத்த வெள்ளத்தில் கிடந்த முருகனை அருகிலிருந்த பொதுமக்கள் ஆட்டோவில் ஏற்றி பெரியார் நகர் அரசு மருத்துவமனைக்கு சிகிச்சைக்காக அனுப்பி வைத்தனர். அங்கு சிகிச்சை பெற்றுவந்த முருகன் அதிக ரத்தப்போக்கு காரணமாக சிகிச்சை பலனின்றி உயிரிழந்தார்.

உயிரிழந்தவரின் உடல் உடற்கூறாவிற்காக கீழ்ப்பாக்கம் அரசு மருத்துவமனையில் வைக்கப்பட்டுள்ளது. இந்த கொலை தொடர்பாக திருவிக நகர் காவல்துறையினர் வழக்குப்பதிவுசெய்து கொலை செய்துவிட்டு தப்பி சென்ற மர்ம நபரைத் தேடிவருகின்றனர்.

இதையும் படிங்க...ஆன்லைனில் லாட்டரி விற்பனை செய்தால் குண்டர் சட்டம் பாயும் -காவல் கண்காணிப்பாளர் எச்சரிக்கை!