பெங்களூருவைச் சேர்ந்தவர் சந்தோஷ் லீவிஸ். இவர் கட்டுமான நிறுவனம் ஒன்றை நடத்தி வருகிறார். தொழிலை மேம்படுத்த 25 கோடி ரூபாய் தேவைப்பட்டதால் வேணு என்பவர் மூலம் சென்னை திருமங்கலத்தில் உள்ள, ஸ்ரீ சக்ரா அசோசியேட்ஸ் நிறுவனத்தை நடத்தி வரும் சரவணன், கிருஷ்ணா அயூப், பாஸ்கர் மற்றும் கிரீன்பாக் ஆகியோரை அணுகியுள்ளார்.
தங்கள் நிறுவனத்தின் சான்றிதழை வைத்து குறைந்த வட்டியில் 25 கோடி ரூபாய் வங்கிக் கடன் பெற்றுத் தருவதாக அவர்கள் சந்தோஷிடம் கூறியுள்ளனர். மேலும், 25 கோடி ரூபாய் கடனுக்கு கமிஷனாக 1 கோடி ரூபாய் கொடுக்க வேண்டும் என்றும் அந்த நால்வரும் சந்தோஷிடம் கூறியுள்ளனர்.
இதனடிப்படையில், 1 கோடியே 21 லட்சம் ரூபாய் வரை அவர்களுக்கு வங்கிக் கணக்கு மூலம் சந்தோஷ் செலுத்தியுள்ளார். பின்னர், நீண்ட நாட்களாகியும் அவர்கள் கடன் பெற்றுத்தராததால், தான் ஏமாந்தது தெரியவந்ததையடுத்து சென்னை மத்தியக் குற்றப்பிரிவு காவல்துறையிடம் சந்தோஷ் புகாரளித்தார். புகாரின் அடிப்படையில் வழக்குப்பதிவு செய்த காவல்துறையினர், மோசடியில் ஈடுபட்ட சரவணன், கிருஷ்ணா ஆகியோரை கைது செய்தனர். மேலும் 4 பேரை வலைவீசி தேடி வருகின்றனர்.
இதையும் படிங்க: செல்போன் திருடும் கும்பல் கைது!
