மத்திய கிழக்கு ஐரோப்பிய பிராந்தியத்துக்கு இடையே உள்ள இஸ்ரேலில் அரசியல் ஸ்திரத்தன்மை கடந்த 10 மாதங்களாக ஆட்டம் கண்டுள்ளது.
கடந்த மார்ச் மாதம் இஸ்ரேல் அதிபர் பெஞ்சமின் நெதன்யாகு மீது ஊழல் புகார் எழுந்து அவர் குற்றவாளி என தீர்ப்பு வந்தது. இதைத்தொடர்ந்து நெதன்யாகு பதவி விலக வேண்டும் என எதிர்க்கட்சிகள் கோரிக்கை வைக்க, இந்தத் தீர்ப்பு தொடர்பாக நெதன்யாகு மேல்முறையீடு செய்துள்ளார்.
இந்நிலையில், அங்கு தொடர்ச்சியாக நடைபெற்ற தேர்தலில் இரு கட்சியனருக்கு பெரும்பான்மை கிடைக்கவில்லை. எனவே, இரு தரப்பும் ஆட்சியமைக்க முடியாமல் தவித்துவருகிறது. இதைத் தொடர்ந்து, ஓராண்டுக்குள் மூன்றாவது முறையக இஸ்ரேலில் தேர்தல் நடைபெறுகிறது. இன்று வாக்குப்பதிவு நடைபெறும் நிலையில், இம்முறையாவது அங்கு ஸ்திரமான ஆட்சி அமைக்கும் சூழல் உருவாகுமா என்ற எதிர்பார்ப்பு எழுந்துள்ளது.
மொத்தம் 120 இடங்கள் கொண்ட இஸ்ரேல் நாடாளுமன்றத்தில், நெதன்யாகுவின் லுகிட் கட்சியும், பென்னி கன்ட்சின் ஐ.டி.எஃப் கட்சியும் முக்கிய போட்டியாளர்களாக உள்ளன.
70 வயதான நெதன்யாகு இஸ்ரேல் வரலாற்றில் நீண்ட நாள் ஆட்சிப் பொறுப்பில் இருந்த தலைவர் என்ற பெருமையைக் கொண்டுள்ளார். இந்தத் தேர்தலில் தோற்கும்பட்சத்தில் அதன் தாக்கம் நெதன்யாகு மீதான ஊழல் புகார் வழக்கில் எதிரொலிக்கும் என எதிர்பார்க்கப்படுகிறது.
இதையும் படிங்க: 'உள்ளாட்சித் தேர்தலுக்குத் தயாராகுங்கள்' - தொண்டர்களுக்கு அஜித் பவார் உத்தரவு
