பஞ்சாப் நேஷனல் வங்கியில் ரூ.12 ஆயிரத்து 700 கோடி கடன் வாங்கி மோசடியில் ஈடுபட்டு லண்டனுக்கு தப்பி சென்ற இந்திய வைர வியாபாரி நீரவ்மோடி லண்டனில் கைது செய்யப்பட்டு சிறையில் அடைக்கப்பட்டுள்ளார்.
இதனையடுத்து லண்டன் வெஸ்ட்மின்ஸ்டர் நீதிமன்றத்தில் ஜாமீன் கோரி அவர் மூன்று முறை மனு தாக்கல் செய்தார். ஆனால் மூன்று முறையும் நீதிமன்றம் ஜாமீன் வழங்க மறுத்தது.
இந்நிலையில் அவர் 4ஆவது முறையாக ஜாமீன் கோரி மனு தாக்கல் செய்தார். அந்த மனுவை விசாரித்த நீதிமன்றம் ஜாமீன் வழங்க முடியாது என திட்டவட்டமாக தெரிவித்தது. நீரவ் மோடியின் ஜாமீன் மனுவை 4ஆவது முறையாக லண்டன் நீதிமன்றம் நிராகரித்துள்ளதால் அவரை இந்தியா கொண்டு வருவதற்கான நடவடிக்கைகளை அமலாக்கத்துறை தீவிரப்படுத்தி உள்ளது.
