சமூக வலைதளங்களில் கணக்கு வைத்திருக்கும் சினிமா பிரபலங்கள், விளையாட்டு பிரபலங்கள் அவ்வப்போது விளம்பரதாரர்களிடம் பணம் பெற்றுக்கொண்டு மார்க்கெட்டிங்கிற்காக பதிவிடுவார்கள். அதன்படி, சமூக வலைதளமான இன்ஸ்டாகிராமில் உலகளவில் அதிக சம்பளம் வாங்குவதாக நடிகர் டுவைன் ஜான்சன் பெயர் வந்துள்ளது.
சமூக ஊடக மார்க்கெட்டிங் நிறுவனமானHopper HQ நடத்திய ஆய்வின்படி, 48 வயதான டுவைன் ஜான்சன் இன்ஸ்டாகிராமில் ஒரு விளம்பரதாரர் பதிவிக்கு சுமார் 1,015,000 அமெரிக்க டாலர் (இந்திய மதிப்பில் 7 கோடியே 56 லட்சத்து 78 ஆயிரத்து 450 ரூபாய்) வசூலிப்பதாக கூறப்படுகிறது. இவரை 189 மில்லியன் மக்கள் பின்தொடர்கின்றனர்.
இதற்கு அடுத்தபடியாக மொகுல் ஜென்னர், ஒரு விளம்பரதாரர் பதிவுக்கு 986,000 அமெரிக்க டாலர்( இந்திய மதிப்பில் 7 கோடியே 35 லட்சத்து 16 ஆயிரத்து 209 ரூபாய்) வசூலித்து வருகிறார். அதே போல், கால்பந்து ஜாம்பவான் கிறிஸ்டியானோ ரொனால்டோ ஒரு பதவிக்கு சுமார் 889,000 அமெரிக்க டாலர்(இந்திய மதிப்பில் 6 கோடி 62 லட்சத்து 83 ஆயிரத்து 884 ரூபாய்) எனக் கணக்கிட்டுள்ளனர்
