பென்சிலைக்கொண்டு, தோலில் ஒரு உயிர் மின் சாதனத்தை வரைவதன் மூலம் தங்கள் உடல்நிலைகளை கண்காணிக்க முடியும் என்பது ஆய்வில் தெரியவந்துள்ளது. தற்போது இல்லை என்றாலும், வரும்காலங்களில் இது சாத்தியம் ஆகும் என்று மிசோரி பல்கலைக்கழக பொறியாளர்கள் நம்பிக்கை தெரிவித்துள்ளனர்.
இந்த கண்டுபிடிப்புகள் தேசிய அறிவியல் அகாடமியின் புரோசிடிங்ஸ் இதழில் வெளியிடப்பட்டுள்ளன. இது தொடர்பாக, பொறியியல் கல்லூரியின் உதவி பேராசிரியரான ஜெங் யான் கூறுகையில், “தற்போதுள்ள பல வணிகரீதியான ஆன்-ஸ்கின் பயோமெடிக்கல் சாதனங்களில் பெரும்பாலும் இரண்டு முக்கிய கூறுகள் உள்ளன. ஒன்று பயோமெடிக்கல் டிராக்கிங் கூறு, மற்றொன்று பிளாஸ்டிக் போன்ற நெகிழ்வான பொருள், ஒரு நபரின் உடலுடன் தோல் தொடர்பை பேணுவதற்கான ஒரு உறுப்பு கட்டமைப்பை வழங்குவதற்காக பயோமெடிக்கல் சாதனங்களில் பயன்படுத்தப்படுகின்றன.
ஆன்-ஸ்கின் பயோமெடிக்கல் எலக்ட்ரானிக் சாதனத்தை உருவாக்குவதற்கான வழக்கமான அணுகுமுறை சிக்கலானதும், இதற்கான உற்பத்தி செலவு அதிகளவிலும் ஆகும். இதற்கு மாறாக, எங்கள் அணுகுமுறை குறைந்த செலவு மற்றும் மிகவும் எளிமையானது. பரவலாக கிடைக்கக்கூடிய பென்சில்கள் மற்றும் காகிதங்களைப் பயன்படுத்தி இதேபோன்ற சாதனத்தை உருவாக்க முடியும்.
எடுத்துக்காட்டாக, ஒரு நபருக்கு தூக்க பிரச்னை இருந்தால், அந்த நபரின் தூக்க அளவைக் கண்காணிக்க உதவும் ஒரு உயிரியல் மருத்துவ சாதனத்தை வரையலாம். வகுப்பறையில், ஒரு ஆசிரியர் பாட திட்டத்தில் பென்சில்கள் மற்றும் காகிதங்களைப் பயன்படுத்தி இதுபோன்ற சாதங்களை உருவாக்குவதன் மூலம் மாணவர்களை ஆய்வுகளின் ஈடுபடுத்த முடியும்" என்று அவர் கூறினார்.
