அமெரிக்காவின் கலிஃபோர்னியாவில் உள்ள காட்டுப் பகுதியில் கடந்த இரண்டு நாட்களாக தீ எரிந்து வேகமாக பரவி வருகிறது. இதனால் அப்பகுதியில் உள்ள உயிரினங்கள், மரங்கள் அனைத்தும் தீயில் கருகி நாசமாகின்றன. காட்டுத் தீயை அணைக்க தீயணைப்பு வீரர்கள் தொடர்ந்து முயற்சிகள் மேற்கொண்டு வருகின்றனர்.
கடந்த ஆண்டு ஏற்பட்ட காட்டுத் தீயில் சிக்கி 80 பேருக்கு மேல் உயிரிழந்த நிலையில், தற்போது காட்டுத் தீ வேகமாக பரவி வருவதால் அப்பகுதியில் உள்ள மக்கள் முன்னெச்சரிக்கையாக வெளியேற்றப்பட்டு வருகின்றனர்.
மேலும் காற்றின் வேகமும், வெப்பமும் அதிகளவு இருப்பதால் தீ வேகமாக பரவி வருகிறது. காட்டுத் தீ பற்றிய இரண்டு மணி நேரத்தில் 600 ஏக்கர் தீயில் கருகி நாசமானது. காட்டு தீயால் இதுவரை ஆயிரத்து 100 பேர் வெளியேற்றப்பட்டுள்ளனர்.
