ஐக்கிய நாடுகள் சபையின் கால நிலை மாநாடு ஸ்காட்லாந்தில் அக்டோபர் 31ஆம் தேதி தொடங்குகிறது. இதற்கு முன்னதாக உலக வானிலை மையம் உள்ளிட்ட பல்வேறு ஆய்வு நிறுவனங்கள் கால நிலை மாற்றம் குறித்து முக்கிய அறிக்கை அளித்துள்ளன.
இதில் ஆப்ரிக்க கண்டத்தில் நிலவும் கால நிலை மாற்ற சிக்கல் குறித்து விரிவாகப் பேசப்பட்டுள்ளது. அதில், உலக சராசரியை ஒப்பிடும் போது ஆப்ரிக்காவில் வெப்ப நிலை வேகமாக உயர்ந்துவருகிறது. இது 130 கோடி மக்களை அபாயத்தில் தள்ளியுள்ளது.
கிளிமாஞ்சாரோ, கென்யா உள்ளிட்ட சிகரங்களின் பனிப்பாறைகள் உருகி காணாமல் போகும் அபாயம் எழுந்துள்ளது. இதேநிலைத் தொடர்ந்தால் 2040ஆம் ஆண்டிற்குள் ஆப்ரிக்காவில் பனிப்பாறை முற்றிலும் காணாமல் போகும்.
பருவநிலை மாற்றமானது ஆப்ரிக்காவில் சுகாதார, பொருளாதார சிக்கலையும் உருவாக்கும் என ஆய்வறிக்கை எச்சரித்துள்ளது.
இதையும் படிங்க: மாணவிகளுக்கு நற்செய்தி: பள்ளி செல்ல அனுமதி
