சென்னை: பல வெற்றி படங்களை தந்த கூட்டணியான ரெட் ஜெயன்ட் மூவிஸ் மற்றும் ஆர். எஸ். இன்போடெயின்மெண்ட் நிறுவன தயாரிப்பாளர்கள் உதயநிதி ஸ்டாலின் மற்றும் எல்ட்ரெட் குமார் மீண்டும் இணைந்து ‘விடுதலை’ படத்தை வெளியிட உள்ளனர். விஜய் சேதுபதி மற்றும் சூரி நடிப்பில் தேசிய விருது பெற்ற திரைப்பட இயக்குநர் வெற்றிமாறன் இயக்கியுள்ள விடுதலை திரைப்படம் இறுதிக்கட்டத்தை எட்டி, தயாராகி வருகிறது.
இந்த படத்தின் ரிலீஸ் தேதி குறித்த அறிவிப்பு விரைவில் அதிகாரப்பூர்வமாக வெளியாக உள்ளது. இதில் பவானி ஸ்ரீ, பிரகாஷ் ராஜ், கவுதம் வாசுதேவ் மேனன், ராஜீவ் மேனன் மற்றும் பல முக்கிய நடிகர்கள் நடித்துள்ளனர். மேஸ்ட்ரோ இசைஞானி இளையராஜா இசையமைத்துள்ளார். வேல்ராஜ் ஒளிப்பதிவு செய்துள்ளார்.
இத்திரைப்படம் ஏற்கனவே நம்பிக்கைக்குரிய நட்சத்திர நடிகர்கள் மற்றும் தொழில்நுட்ப கலைஞர்களுடன் திரை ஆர்வலர்களிடையே மிகப் பெரிய எதிர்பார்ப்பை உருவாக்கியுள்ளது. மேலும், ரெட் ஜெயன்ட் மூவிஸ் வெளியீடு தற்போது பல திரைப்படங்களுக்கு வெற்றியின் முகவரியாக மாறியிருப்பதால், விடுதலை திரைப்படமும் பெரும் வெற்றியாக அமையும் என தயாரிப்பாளர் எல்ட்ரெட் குமார் நம்புகிறார்.
இதையும் படிங்க: நீண்ட நாள் காதலியை கரம்பிடித்தார் குக் வித் கோமாளி புகழ்
