நடிகர் தனுஷை வைத்து 'யாரடி நீ மோகினி', 'குட்டி', 'உத்தமபுத்திரன்' ஆகிய படங்களை இயக்கியவர், மித்ரன் ஜவஹர். இவர் தற்போது மீண்டும் நான்காவது முறையாக தனுஷுடன் கூட்டணி வைத்துள்ளார்.
தனுஷின் 44ஆவது படத்திற்கு 'திருச்சிற்றம்பலம்' என பெயரிடப்பட்டுள்ளது. சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்கிறார்.இதில் நித்யா மேனன், ராஷி கண்ணா, பிரியா பவானி சங்கர், இயக்குநர் பாரதிராஜா, நடிகர் பிரகாஷ் ராஜ் உள்ளிட்டோர் நடிக்கின்றனர்.
இப்படத்தின் படப்பிடிப்பு கடந்த ஆண்டு ஆகஸ்ட் மாதம் பூஜையுடன் தொடங்கிய நிலையில் பெரும்பாலான காட்சிகள் சென்னை சுற்றுவட்டார இடங்களில் படமாக்கப்பட்டுள்ளன.
இப்படம் இந்த ஆண்டு ஜூலை 1ம் தேதி வெளியாக உள்ளதாக தகவல் வெளியாகியுள்ளது. சமீபத்தில் ஒரு பேட்டியில் நடிகரும் எம்.எல் ஏவுமான உதயநிதி ஸ்டாலின் இதனை உறுதிப்படுத்தியுள்ளார்.
இதையும் படிங்க: 'சினிமாவில் 20 ஆண்டுகள். நான் இந்த அளவிற்கு வருவேன் என்று நினைத்துகூடப் பார்த்ததில்லை' - நன்றி கூறிய தனுஷ்
