சென்னை: ஆர்எஸ் இன்ஃபோடெயின்மென்ட் & ரெட் ஜெயண்ட் மூவிஸ் சார்பில் எல்ரெட் குமார் & உதயநிதி ஸ்டாலின் இணைந்து தயாரிக்கும் படம் விடுதலை. இயக்குநர் வெற்றிமாறன் இயக்கத்தில் விஜய்சேதுபதி, சூரி நடிப்பில் உருவாகிவருகிறது. முன்னதாக வெற்றிமாறனின் அசுரன் படத்திற்கு தேசிய விருது கிடைத்தையொட்டி இந்த படத்திற்கு எதிர்ப்பார்ப்பு அதிகரித்துள்ளது. படப்பிடிப்பு முழுமையாக முடிந்த நிலையில் போஸ்ட் புரடெக்ஸன் பணிகள் விறுவிறுப்பாக நடைபெற்று வருகின்றன. இருப்பினும் சிறுமலை மற்றும் கொடைக்கானலில் விடுதலை படத்தின் சில காட்சிகள் எடுக்கப்பட்டுவருகின்றன.
விடுதலை படம் பெரும் பொருட்செலவில் உருவாகி வருகிறது. சமீபத்தில் ரூ.10 கோடி மதிப்பிலான பிரம்மாண்ட ரயில் மற்றும் ரயில்வே பாலத்தின் செட்கள் அமைக்கப்பட்டன. பிரபல ஸ்டண்ட் இயக்குநர் பீட்டர் ஹெய்ன் இந்த படத்தின் ஆக்ஷன் காட்சிகளை உருவாக்குகிறார். பல்கேரியாவில் இருந்து ஏற்கனவே தமிழ்நாடு வந்திருக்கும் திறமையான ஸ்டண்ட் டீம் இந்த ஆக்ஷன் காட்சிகளில் பங்கேற்கிறுள்ளனர். விஜய் சேதுபதி, சூரி உடன் பவானி ஸ்ரீ, பிரகாஷ் ராஜ், கவுதம் வாசுதேவ் மேனன், ராஜீவ் மேனன், சேத்தன் உள்ளிட்ட முன்னணி நடிகர்கள் இப்படத்தில் நடித்துள்ளனர். இசைஞானி இளையராஜா இசையமைக்க, வேல்ராஜ் ஒளிப்பதிவு செய்துள்ளனர். இந்த நிலையில் விடுதலை படம் 2 பாகங்களாக வெளியாகும் என்று அறிவிப்பு வெளியாகியுள்ளது. வெற்றிமாறனின் பிறந்த நாளையொட்டி அறிவிப்பு வெளியாகி உள்ளது. முதல் பாகம் வெளியீட்டு தேதி விரைவில் வெளியாகும் என்று படக் குழு தெரிவித்துள்ளது.
இதையும் படிங்க:அஜித்துடன் மஞ்சு வாரியர் பைக் ரைடு - வைரலாகும் புகைப்படங்கள்
