ஹைதராபாத்: பிரபல பிரிட்டிஷ் எழுத்தாளர் ஜான் லே கேர்ஸின் எழுதிய நாவல் "தி நைட் மேனேஜர்". இந்த நாவல் உலகம் முழுவதும் வாசகர்கள் இடையே மிகப் பெரும் வரவேற்பை பெற்றது. இந்த நாவலை தழுவி டேனிஷ் இயக்குநர் சூசன் பியர், "தி நைட் மேனேஜர்" என்ற பெயரிலேயே வெப் சீரிஸை இயக்கினார். இந்த வெப் சீரிஸில் பிரபல ஹாலிவுட் நடிகர்கள் டாம் ஹிடில்ஸ்டன், ஹக் லாரி உள்ளிட்டோர் நடித்திருந்து இருந்தனர். நடிகர் டாம் ஹிடில்ஸ்டன் மார்வெல் சினிமாடிக் யுனிவர்ஸில் லோகி கதாப்பாத்திரத்தில் நடத்து மிகப் பிரபலமானவர். இந்த வெப் சீரிஸ் பல்வேறு மொழிகளில் சக்கைபோடு போட்டது.
இதையும் படிங்க: சிகிச்சை இல்லாத நோயால் பாதிக்கப்பட்ட பிரபல ஹாலிவுட் நடிகர்.. உலகம் முழுவதும் ரசிகர்கள் சோகம்..
இதே போல பாலிவுட் இயக்குநர்கள் சந்தீப் மோடி, பிரியங்கா கோஷ் ஆகியோர் இணைந்து "தி நைட் மேனேஜர்" நாவலை தழுவி இந்தியில் வெப் சீரிஸை எடுத்தனர். இதில் பாலிவுட் நடிகர்கள் அனில் கபூர், ஆதித்யா ராய் கபூர், பொன்னியின் செல்வன் படத்தில் நடித்திருந்த சோபிதா துலிபலா ஆகியோர் நடித்துள்ளனர். இந்த சீரிஸ் டிஸ்னி+ ஹாட்ஸ்டாரில் வெளியாகி உள்ளது. ரசிகர்கள் இடையே மிகப்பெரும் வரவேற்பை பெற்று வருகிறது. இந்த நிலையில், "தி நைட் மேனேஜர்" இந்தி சீரிஸ், இங்கிலாந்து நாட்டில் சிறப்பு திரையிடல் செய்யப்பட்டது. இதில் ஹாலிவுட் நடிகர் டாம் ஹிடில்ஸ்டன் கலந்து கொண்டு இந்தி சீரிஸை பார்த்துள்ளார்.
இதையடுத்து உடனடியாக படக்குழுவினரை அழைத்து பாராட்டியுள்ளார். குறிப்பாக, தி நைட் மேனேஜர் கதாப்பாத்திரத்தில் நடித்த ஆதித்யா ராய் கபூரை வீடியோ காலில் அழைத்து வாழ்த்து தெரிவித்துள்ளார். இந்த உரையாடல் குறித்து ஆதித்யா ராய் கபூர் தனது இன்ஸ்டாகிராமில் பதிவிட்டுள்ளார். அதில், எங்களது தி நைட் மேனேஜர் சீரிஸை பார்த்துவிட்டு, டாம் ஹிடில்ஸ்டன் அன்பான வார்த்தைகளை எங்களிடம் பகிர்ந்து கொண்டார் எனப் பதிவிட்டுள்ளார்.
இந்த இன்ஸ்டாகிராம் பதிவு சமூக வலைதளங்களில் அதிகமாக பகிரப்பட்டு வருகிறது. மார்வெல் சினிமாடிக் யுனிவர்ஸ் ரசிகர்களும் தி நைட் மேனேஜர் வெப் சீரிஸை பாராட்டி வருகின்றனர். தி நைட் மேனேஜர் வெப் சீரிஸானது கிரைம் த்ரில்லர் ரசிகர்களுக்கு விருந்தாக இருக்கும். இதன் கதைக்களம் சூழ்ச்சி மற்றும் சஸ்பென்ஸ்கள் உடன் இருப்பதால் விறுவிறுப்பாக இருக்கிறது. ஸ்பை திரில்லரில் ஆதித்யா ராய் கபூரின் நடிப்பு பேசப்படும் வகையில் உள்ளது. அதேபோல அனில் கபூரின் ஸ்டைலிஸ் வில்லத்தனம் கதைக்கு வலு சேர்கிறது. நடிகை சோபிதா துலிபலா கவர்ச்சியில் மிரட்டி உள்ளார்.
இதையும் படிங்க: 22 ஆண்டுகளுக்குப் பிறகு இணைந்த சிம்ரன், லைலா கூட்டணி
