10 லட்சம் பார்வையாளர்களை கடந்து இணையத்தில் வைரலாகும் "பவுடர்" பட பாடல்!

பவுடர் படத்தில் இடம்பெற்றுள்ள "நோ சூடு நோ சொரனை" என்ற பாடல் அண்மையில் வெளியாகி இணையத்தில் வைரலானது. இப்பாடலை யூடியூபில் 10 லட்சத்துக்கும் மேற்பட்டோர் பார்த்துள்ளனர்.

இயக்குநர் விஜய் ஸ்ரீஜி இயக்கத்தில் வெளிவர இருக்கும் படம் "பவுடர்". இதில் பிரபல சினிமா பிஆர்ஓ நிகில் முருகன் நாயகனாக அறிமுகமாகியுள்ளார். இப்படத்தில் இடம்பெற்றுள்ள "நோ சூடு நோ சொரனை" பாடலை, கானா பாலா பாடியுள்ளார். இந்த பாடல் விநாயகர் சதுர்த்தி அன்று(ஆக.31) வெளியாகி, ரசிகர்களிடையே வரவேற்பை பெற்றது.

இந்த நிலையில் இந்த பாடலை யூடியூபில் 10 லட்சத்துக்கும் மேற்பட்ட பார்வையாளர்கள் கண்டு ரசித்துள்ளனர். பவுடர் திரைப்படத்தின் இசை மற்றும் ட்ரெய்லர் வெளியீட்டு விழா விரைவில் நடைபெறவுள்ளது.