கமல்ஹாசன் நடிப்பில் லோகேஷ் கனகராஜ் இயக்கத்தில், திரையரங்குகளில் வெளியாகி வெற்றியடைந்திருக்கும் ‘விக்ரம்’ படத்திற்கு வாழ்த்து தெரிவிக்கும் விதமாக 'செம்பி' படக்குழுவினர் கமல்ஹாசனை நேரில் சந்தித்தனர். இந்த சந்திப்பின் போது 'செம்பி' படத்தின் ட்ரெய்லரை கமல்ஹாசன் பார்த்து வெகுவாகப் பாராட்டினார்.
'செம்பி' படத்தின் தயாரிப்பாளர்கள் ட்ரைடெண்ட் ரவீந்திரன், ஏ .ஆர்.என்டெர்டெயின்மென்ட் ரியா, ஆடிட்டர் அக்பர் அலி, படத்தின் இயக்குநர் பிரபு சாலமன், கோவை சரளா மற்றும் அஸ்வின் ஆகியோர் இந்த சந்திப்பின்போது உடனிருந்தனர். மேலும், படத்தில் முக்கியமான கதாபாத்திரத்தில் நடித்துள்ள கோவை சரளாவை 'நடிப்பு ராட்சசி' என்று கமல்ஹாசன் பாராட்டினார்.
இதனையடுத்து, 'செம்பி' படத்தின் ட்ரெய்லரை கமல்ஹாசன் பாராட்டியது தங்களுக்கு பெரும் உற்சாகத்தை அளித்துள்ளதாகவும், படம் விரைவில் திரைக்கு வர தயாராகி வருவதாகவும் படக்குழுவினர் தெரிவித்தனர்.
இதையும் படிங்க: சிகிச்சைக்காக வெளிநாடு செல்லவிருக்கும் டி.ராஜேந்தருடன் கமல் சந்திப்பு
