கார்த்திக் சுப்புராஜ் இயக்கத்தில் சித்தார்த், பாபி சிம்ஹா உள்ளிட்டோர் நடிப்பில் 2014ஆம் ஆண்டு வெளியான திரைப்படம், ஜிகர்தண்டா. இப்படம் வெளியாகி சிறந்த படம் என்ற பெயரைப் பெற்றது. அதுமட்டுமின்றி பாபி சிம்ஹாவிற்கு சிறந்த நடிகருக்கான தேசிய விருதும் கிடைத்தது.
இப்படத்தின் இரண்டாம் பாகம் உருவாக உள்ளதாக தெரிவிக்கப்பட்டது. கார்த்திக் சுப்பராஜ் இரண்டாம் பாகத்திற்கான முதற்கட்ட பணிகளை மேற்கொண்டுள்ளதாக கடந்தாண்டு அறிவித்தார். அதன்படி இன்று இரண்டாம் பாகத்திற்கான அறிமுக டீசர் வெளியாகியுள்ளது.
’ஜிகர்தண்டா டபுள் எக்ஸ்’ என்று பெயரிடப்பட்டுள்ள இப்படத்தில் எஸ்.ஜே.சூர்யா, ராகவா லாரன்ஸ் ஆகியோர் நடிக்கின்றனர். சந்தோஷ் நாராயணன் இசை அமைக்கிறார். ரெட்ரோ பாணியில் வெளியாகியுள்ள இப்படத்தின் அறிமுக டீசர் ரசிகர்கள் மத்தியில் மிகுந்த வரவேற்பைப் பெற்று வருகிறது.
- " class="align-text-top noRightClick twitterSection" data="">
இதையும் படிங்க: ஆர்யா - முத்தையா இணையும் படத்திற்கு வித்தியாசமான தலைப்பு!
