மக்கள் இயக்க நிர்வாகிகள் உடன் நடிகர் விஜய் சந்திப்பு!

விஜய் மக்கள் இயக்க நிர்வாகிகளுடன் அவரது பனையூர் வீட்டில் நடிகர் விஜய் சந்தித்துள்ளார்.

நடிகர் விஜய் 5 ஆண்டுகளுக்குப் பிறகு தனது ரசிகர்கள் மற்றும் மக்கள் இயக்க நிர்வாகிகளை இன்று(நவ.20) சந்தித்தார். சென்னை பனையூரில் உள்ள அவரது மக்கள் மன்ற அலுவலகத்தில் இந்த சந்திப்பு நடைபெற்றது. சேலம், நாமக்கல் கிழக்கு மற்றும் மேற்கு, காஞ்சிபுரம் ஆகிய மாவட்டங்களைச் சேர்ந்த மக்கள் மன்ற நிர்வாகிகளை சந்தித்து அவர்களுடன் புகைப்படம் எடுத்துக்கொண்டார்.

இதனால் இன்று காலை முதலே பனையூர் அலுவலகம் மற்றும் விஜயின் நீலாங்கரை வீடு ஆகிய இடங்களில் ரசிகர்கள் பெருந்திரளாக கூடினர். ஆனால், இந்தச் சந்திப்பிற்கு மக்கள் மன்ற அடையாள அட்டை மற்றும் ஆதார் கார்டு உள்ளவர்கள் மட்டுமே அனுமதிக்கப்பட்டனர்.

காலை 11 மணிக்கு விஜய் வருவார் என்று கூறப்பட்ட நிலையில் அவர் வரவில்லை. பின்னர் அனைவருக்கும் மதிய உணவாக பிரியாணி வழங்கப்பட்டது. அதனைத்தொடர்ந்து மதியம் 2 மணிக்கு மேல் விஜய் வந்தார். சுமார் 400க்கும் மேற்பட்டோர் அவரிடம் புகைப்படங்கள் எடுத்துக்கொண்டனர். அதனைத்தொடர்ந்து நடிகர் விஜய் அங்கிருந்து கிளம்பிச்சென்றார்.

பின், விஜய் மக்கள் மன்ற பொதுச்செயலாளர் புஸ்ஸி ஆனந்த் செய்தியாளர்களிடம் கூறியதாவது, 'நடிகர் விஜய் தனது மக்கள் இயக்க நிர்வாகிகளை இன்று(நவ.20) சந்தித்து அவர்களுடன்‌ புகைப்படங்கள் எடுத்துக்கொண்டார்.

சேலம், நாமக்கல் கிழக்கு, மேற்கு, காஞ்சிபுரத்தைச் சேர்ந்த மக்கள் மன்ற மாவட்டத் தலைவர்கள், அணித் தலைவர்கள் மற்றும் ஒன்றிய, நகர ரசிகர்கள், தொண்டர்களைச் சந்தித்தார். மிக விரைவில் மற்ற மாவட்ட நிர்வாகிகளை சந்திப்பதற்கான ஏற்பாடுகள் செய்யப்படும்.

‘வாரிசு’ படம் வெளியீடு குறித்து தயாரிப்பாளரிடம் கேட்டுக்கொள்ளுங்கள். தேர்தல் முடிவு குறித்து விஜய் உங்களிடம் சொல்வார். யார் எல்லாம் உண்மையாக மக்களுக்குப் பணியாற்றுகிறார்களோ அவர்களுக்கு முக்கியத்துவம் கொடுத்து முதலில் சந்திக்கிறோம். ரசிகராக இருந்தாலும் அடிமட்டத் தொண்டராக இருந்தாலும் அவர்களைச் சந்திப்பது தான் விஜயின் முதல் வேலை' என்றார்.

• #EXCLUSIVE
  
  தளபதி @actorvijay அவர்கள் தனது ரசிகர்களுடன் சந்திப்பு.!#ThalapathyVijayMakkalIyakkham #TVMI #Varisu@BussyAnand @Jagadishbliss @RIAZtheboss pic.twitter.com/dSV9E3Xlbw

  — Thalapathy Vijay Makkal Iyakkham (@TVMIoffl) November 20, 2022 " class="align-text-top noRightClick twitterSection" data="

  #EXCLUSIVE
  
  தளபதி @actorvijay அவர்கள் தனது ரசிகர்களுடன் சந்திப்பு.!#ThalapathyVijayMakkalIyakkham #TVMI #Varisu@BussyAnand @Jagadishbliss @RIAZtheboss pic.twitter.com/dSV9E3Xlbw

  — Thalapathy Vijay Makkal Iyakkham (@TVMIoffl) November 20, 2022

  ">

  #EXCLUSIVE
  
  தளபதி @actorvijay அவர்கள் தனது ரசிகர்களுடன் சந்திப்பு.!#ThalapathyVijayMakkalIyakkham #TVMI #Varisu@BussyAnand @Jagadishbliss @RIAZtheboss pic.twitter.com/dSV9E3Xlbw

  — Thalapathy Vijay Makkal Iyakkham (@TVMIoffl) November 20, 2022

அடுத்த ஆண்டு பொங்கல் பண்டிகைக்கு விஜயின் வாரிசு படமும் அஜித்தின் துணிவு படமும் வெளியாக உள்ளது. ஆனால், தெலுங்கில் வாரிசு படம் வெளியாவதில் சிக்கல் ஏற்பட்டது. இதுகுறித்தும் இந்தச் சந்திப்பில் ஆலோசிக்கப்பட்டதாக கூறப்படுகிறது.