ராகுலை பிரதமராக முன்மொழிந்ததால்தான் ரெய்டு -ஸ்டாலின் குற்றச்சாட்டு

நாகை: காங்கிரஸ் தலைவர் ராகுல்காந்தியை நான் பிரதமராக முன்மொழிந்ததால்தான் மத்திய அரசு திமுகவினர் வீடுகளில் வருமானவரிச் சோதனை நடத்தி வருகிறது என தி்முக தலைவர் ஸ்டாலின் குற்றஞ்சாட்டியுள்ளார்.

ஸ்டாலின்

Published : Apr 13, 2019, 10:30 AM IST

நாகை மாவட்டம், மயிலாடுதுறை நாடாளுமன்றத் தொகுதியில் போட்டியிடும் திமுக வேட்பாளர் ராமலிங்கத்தை ஆதரித்து ஸ்டாலின் பரப்புரை மேற்கொண்டார். அப்போது அவர் பேசியதாவது, வருகின்ற 18ஆம் தேதி நடைபெறும் தேர்தல் பிரதமரை மட்டும் மாற்றுகின்ற தேர்தல் அல்ல, தமிழகத்தில் முதலமைச்சரையும் மாற்ற இருக்கின்ற தேர்தல் ஆகும். முதலமைச்சர் பழனிசாமி தமிழகத்தின் உரிமைகளை விட்டுக் கொடுத்து கொள்ளையடிப்பதற்க்காகவே ஆட்சி நடத்துகிறார். திமுக தலைவர் கருணாநிதி இல்லாமல் நாம் சந்திக்கின்ற முதல் தேர்தல் என்பதால் உடன்பிறப்புகள் அனைவரும் எங்களுக்கு முழு ஆதரவு அளிக்க வேண்டும்.

காங்கிரஸ் தலைவர் ராகுல் காந்தியை பிரதமர் என்று முதலில் நான் அறிவித்ததும் கேலி கிண்டல் செய்தார்கள். அதன் பின்பு இந்தியாவே அதனை வழிமொழியத் தொடங்கியது. எனக்கு எதிர் வேட்பாளர் யாரும் கிடையாது என்று பேசிக்கொண்டிருந்த மோடி ராகுல் பிரதமர் என்று அறிவித்ததை எதிர்பார்க்கவில்லை. ஆனால், திமுகவை கொச்சைப்படுத்த வேண்டும் என்பதற்காகதான் சோதனை, ரெய்டுகள் நடத்துகிறார்கள். தவறு இருந்தால் நாங்கள் தண்டனையை ஏற்றுக் கொள்கிறோம்.

புகார் வந்ததால்தான் சோதனை செய்கிறோம் என்கிறார்கள். நான் புகார் தருகிறேன் மோடி வீட்டிலும், முதலமைச்சர் எடப்பாடி பழனிசாமி, துணை முதலமைச்சர் பன்னீர்செல்வம், மற்றும் அமைச்சர்கள் வீடுகளில் பணமிருக்கிறது சோதனை நடத்த வருமானவரித்துறை தயாரா இருக்கிறதா? இவ்வாறு அவர் பேசினார்.

Intro:ராகுலை பிரதமராக முன்மொழிந்ததால் மத்திய அரசு திமுகவினர் மீது வருமான வரி சோதனை நடத்துகிறது. பிரதமர் மோடி தமிழக முதல்வர், துணை முதல்வர், அமைச்சர்கள் வீடுகளில் பணம் இருக்கிறது வருமான வரித்துறை சோதனை நடத்த தயாரா ? என்று மயிலாடுதுறையில் திமுக வேட்பாளரை ஆதரித்து ஸ்டாலின் பிரசாரம்:-

Body:மயிலாடுதுறை லோக்சபா தொகுதி திமுக வேட்பாளர் ராமலிங்கத்தை ஆதரித்து மயிலாடுதுறை அருகே நாகங்குடியில் திமுக பிரச்சார பொதுக்கூட்டம் நடைபெற்றது. இதில் திமுக தலைவர் ஸ்டாலின் கலந்து கொண்டு பேசுகையில் வரும் 18ஆம் தேதி நடைபெறும் தேர்தல் பிரதமரை மட்டும் மாற்றுகின்ற தேர்தல் அல்ல, தமிழகத்தில் முதல்வரையும் மாற்ற இருக்கின்ற தேர்தல். முதல்வர் பழனிசாமி தமிழகத்தில் உரிமைகளை விட்டுக் கொடுத்து கொள்ளையடிப்பதற்க்காக ஆட்சி நடத்துகிறார். கருணாநிதி இல்லாமல் சந்திக்கின்ற முதல் தேர்தலில் உடன்பிறப்புகள் எங்களுக்கு முழு ஆதரவு அளிக்க வேண்டும். கருணாநிதியின் தொகுதியில் முதலில் நான் பிரச்சாரத்தை தொடங்கி இதுவரை 30 தொகுதிகளில் பிரச்சாரத்தை முடித்து விட்டு மீதி 10 தொகுதிகள் பாக்கி. சென்ற இடமெல்லாம் மக்கள் கூட்டம் அலைமோதுகிறது. எடப்பாடி பிரச்சாரத்தில் கூட்டமில்லை என்று நான் கிண்டல் அடிப்பாரா அவர் பேசுகிறார். ராகுல் காந்தியை பிரதமர் என்று முதலில் நான் அறிவித்ததும் கேலி கிண்டல் செய்தார்கள் அதன் பின்பு இந்தியாவே அதனை வழிமொழிய தொடங்கியது. எனக்கு எதிர் வேட்பாளர் யாரும் கிடையாது என்று பேசிக்கொண்டிருந்த மோடி ராகுல் பிரதமர் என்று அறிவித்து அதை எதிர்பார்க்கவில்லை. ஆனால், திமுகவை கொச்சைப்படுத்த வேண்டும் என்பதற்காக தான் சோதனை, ரெய்டுகள் நடத்துகிறார்கள். தவறு இருந்தால் நாங்கள் தண்டனையை ஏற்றுக் கொள்கிறோம். புகார் வந்தால் சோதனை செய்கிறோம் என்கிறார்கள் நான் புகார் தருகிறேன் மோடி வீட்டிலும், முதல்வர் பழனிசாமி, துணை முதல்வர் பன்னீர்செல்வம், மற்றும் அமைச்சர்கள் வீடுகளில் பணமிருக்கிறது சோதனை நடத்த வருமானவரித்துறை தயாரா இருக்கிறதா? தலைமைச் செயலகத்தில் சோதனை நடத்தி அதிமுகவினரை மிரட்டி பாஜக கூட்டணி அமைத்துள்ளது. தமிழகத்தில் 8 ஆண்டுகளாக அதிமுக ஆட்சி நடத்துகிறது எந்த திட்டத்தை கொண்டு வந்துள்ளார்கள். 5ஆண்டுகள் மத்தியில் ஆட்சி செய்த பாஜக தமிழகத்திற்கு என்ன செய்து உள்ளது. நான் விவசாயி என்று கூறும் முதல்வர் பழனிசாமி விவசாயி அல்ல அவர் ஒரு விஷ வாயு. அவர் பணம் விவசாயம்தான் செய்திருக்கிறார். திமுக கூட்டணி அமைத்தது நேற்று, இன்று அல்ல கடந்த 3 ஆண்டுகளாக தமிழகத்தில் நடக்கும் கொடுமைகளை எதிர்த்து போராட்டம் நடத்தி அதில் இருந்து கூடியவர்கள் தற்போது தேர்தலுக்காக கூட்டணி அமைத்து உள்ளோம். ஆனால் அதிமுக வியாபார ரீதியாக சீட்டுக்கும் நோட்டுக்கும் கூட்டணி அமைத்துள்ளனர். மக்கள் வாழ்வாதாரம் பெறுகிறதோ, இல்லையோ, பாமகவினர் வாழ்வதும் பெருகிடுச்சு. ஒரு தலைமுறை இல்லை 5 தலைமுறைக்கு சேர்த்து விட்டனர். கொள்கை கூட்டணி இல்லை கொள்ளையடிக்க கூட்டணி தான் அமைந்துள்ளனர். ஆடு, கோழி வளர்த்தேன் என்று கூறும் முதல்வர் மக்களை வளர்த்தாரா நாட்டின் காவலாளி என்று மோடி கூறுகிறார் அவர் கொள்ளையடிக்கும் பழனிச்சாமிக்கு துணைபோகும் களவாணி ஆகத்தான் இருக்கிறார். ஜெயலலிதா இறப்பில் உள்ள மர்மம், கொடநாடு கொலை வழக்கு, பொள்ளாச்சி பாலியல் வழக்கு, திமுக ஆட்சிக்கு வந்ததும் முறையான விசாரணை மேற்கொண்டு தொடர்புடையவர்கள் சிறைக்கு அனுப்பப்படுவார்கள். ஜெயலலிதா மறைவு குறித்து திமுக ஏன் பேசுகிறது என்கிறார்கள் ஜெயலலிதா கட்சித் தலைவர் ஆகவே சாதாரணமாக இருந்து இருந்திருந்தால் நாங்கள் கேள்வி கேட்க மாட்டோம் அவர் தமிழகத்தின் முதல்வராக இருந்தபோது இறந்துள்ளார். எதிர்க்கட்சித் தலைவராக இருக்கும் எனக்கு கேள்வி கேட்பதற்கு அனைத்து உரிமைகளும் உள்ளது. எதிர்க்கட்சியாக இருந்தாலும் எங்களுக்கும் அவர்தான் முதல்வர் என்பதை நினைவில் வைத்துக் கொள்ளவேண்டும். மோடியின் சர்வாதிகார ஆட்சியையும், எடப்பாடியின் கொலை, கொள்ளை, ஆட்சிக்கும் முடிவு கட்டுவதற்கு மக்கள் உதய சூரியன் சின்னத்தில் வாக்களித்து இப்பகுதி வேட்பாளர் ராமலிங்கத்தை வெற்றி பெற செய்ய வேண்டும் என்றார்.

ஸ்டாலின் பேசிக்கொண்டிருந்தபோது தொண்டர்கள் மேடையை சுற்றி சூழ்ந்ததால் செய்தி சேகரிக்க நிருபர்கள் பெரும் அவதி அடைந்தனர். பத்திரிக்கையாளர்களுக்கு தனியாக இடம் ஒதுக்கப்படாததால் திமுக தொண்டர்களிடம் செய்தி எடுக்கமுடியாமல் கடும் அவதிக்குள்ளாகுவதை பார்த்தும் திமுக நிர்வாகிகள் கண்டு கொள்ளாதது செய்தியாளர்களை அதிர்ச்சி அடைய செய்தது.

Conclusion:

For All Latest Updates