திருப்பத்தூர் மாவட்டம் வாணியம்பாடி அடுத்த நிம்மியம்பட்டு கிராமத்தில் 154ஆம் ஆண்டு எருது விடும் விழா நடைபெற்றது. இந்த எருது விடும் விழாவில் பல்வேறு மாவட்டத்திலிருந்தும் ஏராளமான காளைகள் பங்கேற்றன. மருத்துவ குழுவினரின் பரிசோதனைக்கு பின்னரே காளைகள் அவிழ்த்துவிடப்பட்டன.
இந்த போட்டியில் குறைந்த மணித்துளிகளில் பந்தய கோட்டை கடந்த வாணியம்பாடி அடுத்த கிருஷ்ணாபுரம் பகுதியை சேர்ந்த காளைக்கு முதல் பரிசாக ஒரு லட்சம் ரூபாய் மதிப்புள்ள இருசக்கர வாகனம் வழங்கப்பட்டது.
இரண்டாம் பரிசான 90,000 ரூபாய் மதிப்புள்ள இருசக்கர வாகனத்தை வளையாம்பட்டு பகுதியை சேர்ந்த காளை வென்றது. மூன்றாம் பரிசான 75, 000 ரூபாய் மதிப்புள்ள இருசக்கர வாகனத்தை குரிசிலாப்பட்டு கிராமத்தை சேர்ந்த காளை வென்றது.
பல்வேறு ஊர்களிலிருந்து ஏராளமான பொதுமக்கள் வருகை தந்து இந்த விழாவை கண்டுக்களித்தனர். இவ்விழாவிற்கு பாதுகாப்பாக 50 க்கும் மேற்பட்ட காவலர்கள் பாதுகாப்பு பணியில் ஈடுபடுத்தப்பட்டனர்.
இதையும் படிங்க:
