தமிழ்நாட்டில் உள்ள 234 தொகுதிகளில் இன்று (ஏப்ரல் 6) வாக்குப்பதிவு தொடங்கி நடைபெற்றுவருகிறது. அத்துடன் கன்னியாகுமரி இடைத்தேர்தலுக்கான வாக்குப்பதிவும் தொடங்கியுள்ளது. அரசியல் தலைவர்களும் திரைப் பிரபலங்களும் தங்கள் ஜனநாயகக் கடமையை நிறைவேற்றிவருகின்றனர்.
அந்த வகையில் முதலமைச்சர் எடப்பாடி பழனிசாமி தனது குடும்பத்தினருடன் எடப்பாடி, சிலுவம்பாளையத்தில் உள்ள நெடுங்குளம் வாக்குப்பதிவு மையத்தில் இன்று வாக்கு செலுத்தினார். முன்னதாக அவர் மறைந்த முதலமைச்சர்கள் ஜெயலலிதா, எம்ஜிஆர், தனது தாயார் தவுசாயம்மாள் ஆகியோரது திருவுருவப் படங்களுக்கு மலர்த்தூவி மரியாதை செய்தார்.
தொடர்ந்து வாக்குச்சாவடிக்குச் சென்ற முதலமைச்சர் பழனிசாமி, அங்கிருந்த மக்களைப் பார்த்து கையசைத்தார். பின்னர் வாக்குச்சாவடிக்குச் சென்று தனது வாக்கினைப் பதிவுசெய்தார். அப்போது அவரது பேரன் உடனிருந்தார்.
இதையும் படிங்க: சைக்கிளில் வந்து வாக்களித்த நடிகர் விஜய்!
