சாத்தான்குளம் தந்தை ஜெயராஜ், மகன் பெனிக்ஸ் ஆகியோர் கொலை வழக்கில் கைதுசெய்யப்பட்டு, மதுரை சிறையில் உள்ள சாத்தான்குளம் காவல் நிலையத்தில் தலைமைக் காவலராக இருந்த தாமஸ் பிரான்சிஸ் உயர் நீதிமன்ற மதுரைக் கிளையில் பிணை வழங்கக்கோரி மனு தாக்கல்செய்திருந்தார். இந்த மனு நீதிபதி நிர்மல் குமார் முன் விசாரணைக்கு வந்தது.
விசாரணையில், மனுதாரர் வழக்கறிஞர் கூறுகையில், தூத்துக்குடி அருகே உள்ள மெய்ஞானபுரத்தில் பிரான்சிஸ் சகோதரருக்கு திருமணம் நடைபெற உள்ளது. எனவே தாமஸ் பிரான்சிஸுக்கு இடைக்காலப் பிணை வழங்க உரிய உத்தரவு பிறப்பிக்க வேண்டும் என வாதிட்டார். அப்போது மத்திய அரசு வழக்கறிஞர், பதில் மனு தாக்கல்செய்ய அவகாசம் கோரினார்.
இதைத்தொடர்ந்து நீதிபதி பிறப்பித்த உத்தரவில், மனுதாரர் தனது சகோதரர் திருமணம் தொடர்பாக, உரிய ஆவணங்களைத் தாக்கல்செய்ய உத்தரவிட்டனர். மேலும், மனுதாரர் கோரிக்கை குறித்து சிபிஐ தரப்பில் பதில் அளிக்க உத்தரவிட்டு வழக்கு விசாரணையை நாளை (ஜனவரி 7) ஒத்திவைத்து நீதிபதிகள் உத்தரவிட்டனர்.
இதையும் படிங்க...நடிகை சித்ரா தற்கொலை வழக்கு மத்திய குற்றப்பிரிவுக்கு மாற்றம்
