ஈரோடு மாவட்டம் சத்தியமங்கலம் அத்தாணி சாலையில் அமைந்துள்ளது மின்வாரிய செயற் பொறியாளர் அலுவலகம். இங்கு விவசாயிகளுக்கு வழங்கப்படும் தட்கல் மின் இணைப்பு திட்டத்தில் விண்ணப்பங்களை பதிவு செய்ய மின்வாரிய அலுவலர்கள் லஞ்சம் பெறுவதாக ஈரோடு லஞ்ச ஒழிப்புத்துறை காவல் துறையினருக்கு ரகசிய தகவல் கிடைத்தது.
சத்தியமங்கலத்தில் உள்ள மின்வாரிய செயற்பொறியாளர் அலுவலகத்தில் லஞ்ச ஒழிப்பு துறையினர் திடீரென்று சோதனை
இதையடுத்து லஞ்ச ஒழிப்புத்துறை டிஎஸ்பி கருணாகரன் தலைமையில் காவல் துறையினர் அங்கு அதிரடி சோதனையில் ஈடுபட்டனர். இதில் மின்வாரிய செயற்பொறியாளர் பிரகாஷ், ஊழியர் சரவணன் ஆகியோர் லஞ்சம் வாங்கிய பணம் ரூபாய் 89 ஆயிரம் பறிமுதல் செய்யப்பட்டது. திடீரென்று மின் வாரிய அலுவலகத்தில் லஞ்ச ஒழிப்புத்துறையினர் சோதனையில் ஈடுபட்டதால் பரபரப்பு ஏற்பட்டது.
இதையும் படியுங்க:
தொழிலாளர் நல அலுவலகத்தில் லஞ்ச ஒழிப்புத் துறை சோதனை: ரூ.17 ஆயிரம் பறிமுதல்
