கோயம்புத்தூர்: பீளமேடு பகுதியில் பெண்ணை இடித்து விட்டு நிற்காமல் சென்ற தனியார் பள்ளி வாகனத்தை வழிமறைத்து தட்டி கேட்ட Swiggy ஊழியரை போக்குவரத்து காவலர் ஒருவர் கடுமையாக தாக்கினார். இதுகுறித்து பாதிக்கப்பட்ட ஊழியர், மாநகர காவலர் ஆணையரிடம் புகார் அளித்தார். காவலர் அந்த ஊழியரை தாக்கும் வீடியோ காட்சிகள் சமூக வலைதளங்களில் வைரலாகின.
இதைத் தொடர்ந்து, போக்குவரத்து காவலரை கட்டுப்பாட்டு அறைக்கு பணியிடமாற்றம் செய்து கோவை மாநகர காவலர் ஆணையர் பிரதீப்குமார் உத்தரவிட்டிருந்தார். இந்நிலையில், பாதிக்கப்பட்டவர் கொடுத்த புகாரின் பேரில் பீளமேடு காவல் நிலையத்தில் காவலர் சதீஸ் மீது வழக்கு தொடரப்பட்டது. மேலும், காவலர் சதீஸை காவல் துறையினர் கைதுசெய்த நிலையில், அவரை தற்காலிக பணியிடை நீக்கம் செய்தும் உத்தரவிட்டப்பட்டுள்ளது.
இதையும் படிங்க: விபரீதத்தில் முடிந்த விளையாட்டு: கார் கதவுகள் மூடியதால் 3 சிறுவர்கள் மூச்சுத்திணறி உயிரிழப்பு
