பொள்ளாச்சி நகர்ப்புறப் பகுதியில் கட்டடத் தொழிலாளி ஒருவர் கடந்த சில மாதங்களாக தனது 13 வயது மகளை பாலியல் வன்புணர்வு செய்துவந்ததை அறிந்த அச்சிறுமியின் மனைவி கணவரை கண்டித்ததுடன் மகளை கூட்டிக்கொண்டு இரண்டு மாதமாகத் தனியே வசித்துவந்தார்.
இந்நிலையில் கட்டடத் தொழிலாளி அவரது மனைவிக்கும் மகளுக்கும் மன உளைச்சலை ஏற்படுத்தியுள்ளார்.
இதையடுத்து பொள்ளாச்சி அனைத்து மகளிர் காவல் நிலையத்தில் பாதிக்கப்பட்ட சிறுமியின் தாயார் புகார் அளித்துள்ளார். புகாரின்பேரில் காவல் துறையினர் விசாரணையில் ஈடுபட்டபோது, கட்டடத் தொழிலாளி அவரது மகளை பாலியல் வன்புணர்வு செய்துவந்தது தெரியவந்தது.
இதையடுத்து கட்டடத் தொழிலாளியை அனைத்து மகளிர் காவல் நிலைய காவல் துறையினர் கைதுசெய்து கோவை நீதிமன்றத்தில் முன்னிறுத்தி சிறையில் அடைத்தனர்.
