சென்னை: அயனாவரம் அடுக்குமாடி குடியிருப்பில் வசித்து வருபவர் கபில் தேசாய் (43). இவர் இருசக்கர வாகன உதிரிபாகங்கள் விற்பனை செய்யும் கடை நடத்தி வருகிறார். இந்நிலையில் கபில் தேசாய் வாட்ஸ்அப் டிபியில் அவரது மனைவி மேகா தேசாய் புகைப்படத்தை வைத்துள்ளார்.
அடையாளம் தெரியாத நபர் மேகா தேசாய் புகைப்படத்தை மார்பிங் செய்து, அதை கபில் தேசாய் வாட்ஸ்அப் எண்ணிற்கு அனுப்பி உள்ளார். பின்னர் அவர், கபில் தேசாயிடம் மார்பிங் செய்த புகைப்படத்தை சமூக வலைத்தளங்களில் வெளியிடாமல் இருக்க பணம் கேட்டு மிரட்டியுள்ளார்.
இதனால் அதிர்ச்சி அடைந்த கபில் தேசாய் அயனாவரம் காவல் நிலையத்தில் புகார் அளித்துள்ளார். அதன் அடிப்படையில் வழக்குப்பதிவு செய்த காவல் துறையினர் தீவிர விசாரணை மேற்கொண்டு வருகின்றனர்.
இதையும் படிங்க: அதிகாரிகளுக்கு கொடுக்க லஞ்சம் வாங்குகிறேன்!- ஊராட்சி செயலரின் பரபரப்பு ஆடியோ!
