சென்னை: தமிழ்நாட்டில் இன்று (நவம்பர் 5) புதிதாக 2348 பேருக்கு கரோனா தொற்று இருப்பது கண்டறியப்பட்டுள்ளது. இதன் மூலம், பாதிக்கப்பட்டோரின் மொத்த எண்ணிக்கை 7 லட்சத்து 36 ஆயிரத்து 777ஆக உயர்ந்துள்ளது.
இது தொடர்பாக மக்கள் நல்வாழ்வுத் துறை வெளியிட்டுள்ள புள்ளி விவர தகவலின்படி, "தமிழ்நாட்டில் மேலும் 79 ஆயிரத்து 388 நபர்களுக்கு கரோனா வைரஸ் தொற்று பரிசோதனை மேற்கொள்ளப்பட்டது. அதில், 2348 நபர்களுக்கு புதிதாக கரோனா தொற்று இருப்பது கண்டறியப்பட்டுள்ளது. இதன் மூலம், தமிழ்நாட்டில் ஒரு கோடியே 52 ஆயிரத்து 393 நபர்களுக்கு கரோனா வைரஸ் தொற்று பரிசோதனை மேற்கொள்ளப்பட்டுள்ளது.
தமிழ்நாட்டில் ஆர்டிபிசிஆர் பரிசோதனை ஒரு கோடியே 3 லட்சத்து 25 ஆயிரத்து 440 என்ற எண்ணிக்கையில் செய்யப்பட்டுள்ளன. இதன் காரணமாக, 7 லட்சத்து 36 ஆயிரத்து 777 நபர்கள் கரோனா தொற்றால் பாதிக்கப்பட்டிருந்ததை கண்டறிய முடிந்தது. இவர்களில் தற்போது மருத்துவமனைகள் மற்றும் தனிமைப்படுத்தும் மையங்களில் 19 ஆயிரத்து 61 நபர்கள் சிகிச்சைப் பெற்று வருகின்றனர்.
மருத்துவமனைகளில் சிகிச்சைப் பெற்று வந்தவர்களில் குணமடைந்த இரண்டாயிரத்து 413 பேர் இன்று அவரவர் வீட்டுக்கு அனுப்பி வைக்கப்பட்டுள்ளனர். இதனால் குணமடைந்தோரின் எண்ணிக்கை 7 லட்சத்து 6 ஆயிரத்து 444ஆக உயர்ந்துள்ளது. சிகிச்சைப் பெற்று வந்தவர்களில், அரசு மருத்துவமனையில் 14 பேரும் தனியார் மருத்துமனையில் 14 பேரும் என 28 நோயாளிகள் பலனளிக்காமல் உயிரிழந்தனர். இதனால் இறந்தவர்களின் மொத்த எண்ணிக்கை 11 ஆயிரத்து 272ஆக உயர்ந்துள்ளது" என்று தெரிவிக்கப்பட்டுள்ளது
மாவட்ட வாரியாக பாதிப்பு:
சென்னை - 2,03,085
செங்கல்பட்டு - 44,416
கோயம்புத்தூர் - 44,449
திருவள்ளூர் - 3,8476
சேலம் - 27,858
காஞ்சிபுரம் - 26,020
கடலூர் - 23,419
மதுரை - 18,943
வேலூர் - 18,210
திருவண்ணாமலை - 17,842
தேனி - 16,315
விருதுநகர் - 15,523
தஞ்சாவூர் - 15,589
தூத்துக்குடி - 15,227
ராணிப்பேட்டை - 15,015
கன்னியாகுமரி - 15,110
திருநெல்வேலி - 14,328
விழுப்புரம் - 13,949
திருச்சிராப்பள்ளி - 12,693
திருப்பூர் - 13,325
புதுக்கோட்டை - 10,713
கள்ளக்குறிச்சி - 10,381
ஈரோடு - 10,765
திண்டுக்கல் - 9873
திருவாரூர் - 9851
நாமக்கல் - 9358
தென்காசி - 7873
நாகப்பட்டினம் - 6882
திருப்பத்தூர் - 6786
நீலகிரி - 6833
கிருஷ்ணகிரி - 6714
ராமநாதபுரம் - 6057
சிவகங்கை - 5971
தருமபுரி - 5709
அரியலூர் - 4419
கரூர் - 4287
பெரம்பலூர் - 2178
சர்வதேச விமானத்தில் வந்தவர்கள் - 925
உள்நாட்டு விமானத்தில் வந்தவர்கள் - 982
ரயில் மூலம் வந்தவர்கள் - 428
