சென்னை: தமிழ்நாடு திறந்தநிலைப் பல்கலைக்கழகத்தில், பிஹெச்டி பட்டப்படிப்புக்கு விண்ணப்பிக்கலாம் என அறிவிக்கப்பட்டுள்ளது. இது குறித்து பல்கலைக்கழக பதிவாளர் வெளியிட்டுள்ள செய்தி குறிப்பில், தமிழ்நாடு திறந்தநிலைப் பல்கலைக்கழகத்தில் பல்கலைக்கழக மானியக் குழுவின் அனுமதியுடன் முழுநேரம் மற்றும் பகுதிநேரம் முனைவராய் பட்டப் படிப்பு நேரடி முறையில் வழங்கப்பட்டு வருகிறது.
ஜனவரி 2021 பருவச் சேர்க்கைக்கு விண்ணப்பங்கள் வரவேற்கப்படுகின்றன. பொருளியல், மேலாண்மையியல், கல்வியியல், விலங்கியல், தாவரவியல், வேதியியல், இயற்பியல், புவியியல், ஆடை வடிவமைப்பு மற்றும் பேஷன், கணினி அறிவியல், தமிழ், குற்றவியல், பண்டைய வரலாறு மற்றும் தொல்லியல், அரசியல் அறிவியல், பொது நிர்வாகவியல் ஆகிய பாடப்பிரிவுகளில் மாணவர்கள் பிஹெச்டி ஆய்வுப் படிப்பு மேற்கொள்ளலாம்.
பல்கலைக்கழக மானியக் குழுவின் தகுதி பெற்ற மாணவர்களும் நிதி உதவியுடன் ஆய்வு மேற்கொள்ளலாம். தகுதியுள்ள முழுநேர ஆய்வு மாணவர்களுக்கும் தமிழ்நாடு திறந்தநிலைப் பல்கலைக்கழகத்தின் ஆராய்ச்சி நிதி உதவி வழங்கப்படும்.
இதற்கான விண்ணப்பப்படிவம் மற்றும் விவரங்களை பல்கலைக்கழகத்தின் www.tnou.ac.in என்ற இணையதளத்தில் இருந்து பதிவிறக்கம் செய்துகொள்ளலாம். விண்ணப்பிக்க விரும்பும் மாணவர்கள் ஜனவரி 4ஆம் தேதிக்குள் விண்ணப்பிக்க வேண்டும் என அதில் கூறப்பட்டுள்ளது.
இதையும் படிங்க: ஆசிரியர் தேர்வு முறைகேடு! - விசாரிக்க ஒரு நபர் ஆணையம் அமைப்பு!
