சேலம் - அசாம் இடையே சிறப்பு பார்சல் ரயில்!

சென்னை: சேலத்திலிருந்து அசாம் மாநிலம் திமாபூருக்கும், அங்கிருந்து மீண்டும் சேலத்துக்கும் சிறப்பு பார்சல் ரயில் இயக்கப்படும் என தென்னக ரயில்வே தெரிவித்துள்ளது.

கரோனா வைரஸ் மற்றும் ஊரடங்கு காரணமாக போக்குவரத்து முடங்கியுள்ள நிலையில், முக்கியப் பகுதிகளுக்கு ரயில்வே நிர்வாகம் சிறப்பு சரக்கு ரயில் சேவையை இயக்கி வருகிறது.

அந்த வகையில், சிறப்பு பார்சல் ரயில் (வண்டி எண்: 00661), நாளை (30.04.2020) காலை 8 மணிக்கு சேலம் ரயில் நிலையத்திலிருந்து புறப்பட்டு ஜோலார்பேட்டை, காட்பாடி, ரேனிகுண்டா, நெல்லூர், விஜயவாடா, ராஜமுந்திரி, விசாகப்பட்டினம், புவனேஸ்வர், துர்காபூர், மால்டா டவுன், கௌஹாத்தி வழியாக மே மூன்றாம் தேதி காலை 6:30 மணிக்கு அசாம் மாநிலம் திமாப்பூர் சென்றடையும்.

அதேபோல், திமாபூர் ரயில் நிலையத்திலிருந்து சிறப்பு பார்சல் ரயில் (வண்டி எண்: 00662) மே 4 ஆம் தேதி காலை 5 மணிக்கு புறப்பட்டு சேலத்துக்கு 7 ஆம் தேதி வந்தடையும் எனத் தெரிவிக்கப்பட்டுள்ளது.

இதையும் படிங்க: காற்றில் பறக்கவிடப்பட்ட தகுந்த இடைவெளி: சேலம் சந்தையில் மக்கள் கூட்டம்!