'திருக்கோயில்களில் கணினி வழி வாடகை வசூலில் ரூ.120.60 கோடி வசூல்' - அமைச்சர் பி.கே.சேகர்பாபு தகவல்

இந்து சமய அறநிலையத்துறை கட்டுப்பாட்டில் திருக்கோயில்களில் கணினி வழியான வாடகை வசூல் மையங்கள் தொடங்கப்பட்டு திருக்கோயில்கள் மூலமாக ரூ.120 கோடியே 60 லட்சம் வசூல் செய்யப்பட்டுள்ளது என இந்து சமய அறநிலையத்துறை அமைச்சர் பி.கே.சேகர்பாபு தகவல் தெரிவித்துள்ளார்.

சென்னை: கடந்த 08.10.2021 அன்று கணினி வழியாக திருக்கோயில்களின் வாடகைதாரர்கள் வாடகை தொகையினை செலுத்தும் வசதி தொடங்கி வைக்கப்பட்டது. 01.11.2021அன்று முதல் இணைய வழி மூலம் ரசீது வழங்கும் முறை நடைமுறைக்கு வந்தது.

இந்து சமய அறநிலையத்துறை கட்டுப்பாட்டில் உள்ள திருக்கோயில்களில் அசையா சொத்துக்களுக்குப் பசலி ஆண்டு முறையில் வாடகை / குத்தகை கணக்கிடப்பட்டு வசூல் செய்யப்பட்டு வருகிறது. நடப்பு பசலி ஆண்டான 1431, 01.07.2021 அன்று தொடங்கி நடைபெற்று வருகிறது. இந்த பசலி ஆண்டு 30.06.2022 அன்று முடிவடைகிறது. இந்த பசலியில் துறையில் நடவடிக்கையால் 01.07.2021 முதல் நாளது தேதி வரை ரூ.120 கோடியே 60 இலட்சம் வசூல் செய்யப்பட்டுள்ளது.

இதுதொடர்பாக இந்துசமய அறநிலையத்துறை வெளியிட்டுள்ள தகவலில், 'தமிழ்நாட்டில் மண்டல வாரியாக,

1. இணை ஆணையர் சென்னை (1) ரூ. 14.99 கோடியும்,
2. இணை ஆணையர் சென்னை (2) ரூ.13.53 கோடியும்,
3. இணை ஆணையர் காஞ்சிபுரம் ரூ. 7.42 கோடியும்,
4. இணை ஆணையர் திருச்சிராப்பள்ளி ரூ. 6.96 கோடியும்,
5. இணை ஆணையர் திண்டுக்கல் ரூ. 5.58 கோடியும்,
6. இணை ஆணையர் நாகப்பட்டினம் ரூ. 5.23 கோடியும்,
7. இணை ஆணையர் மயிலாடுதுறை ரூ. 5.12 கோடியும்,
8. இணை ஆணையர் மதுரை ரூ. 4.9 கோடியும்,
9. இணை ஆணையர் திருநெல்வேலி ரூ. 4.3 கோடியும்,
10. இணை ஆணையர் வேலூர் ரூ. 4.37 கோடியும்,
11. இணை ஆணையர் சேலம் ரூ. 3.94 கோடியும்,
12. இணை ஆணையர் தூத்துக்குடி ரூ.3.89 கோடியும்,
13. இணை ஆணையர் கடலூர் ரூ. 3.84 கோடியும்,
14. இணை ஆணையர் கோயம்புத்தூர் ரூ. 3.68 கோடியும்,
15. இணை ஆணையர் ஈரோடு ரூ. 3.45 கோடியும்,
16. இணை ஆணையர் தஞ்சாவூர் ரூ. 2.32 கோடியும்,
17. இணை ஆணையர் திருவண்ணாமலை ரூ. 2.05 கோடியும்,
18. இணை ஆணையர் விழுப்புரம் ரூ. 1.19 கோடியும்,
19. இணை ஆணையர் சிவகங்கை ரூ. 1.9 கோடியும்,
20. இணை ஆணையர் திருப்பூர் ரூ. 1.5 கோடி என மண்டல வாரியாக வசூல் செய்யப்பட்டுள்ளது.

தமிழ்நாட்டில் உள்ள திருக்கோயில்களில் அதிக வசூல் செய்யப்பட்ட 10 முக்கியமான திருக்கோயில்களான

1. சென்னை, மயிலாப்பூர் அருள்மிகு கபாலீசுவரர் திருக்கோயிலில் ரூ.4.28 கோடியும்,
2. பழநி, அருள்மிகு தண்டாயுதபாணி சுவாமி திருக்கோயிலில் ரூ.3.23 கோடியும்,
3. சென்னை, பூங்கா நகர் அருள்மிகு ஏகாம்பரேஸ்வரர் திருக்கோயிலில் ரூ.2.05 கோடியும்,
4. சென்னை, திருவான்மியூர் அருள்மிகு மருந்தீஸ்வரர் திருக்கோயிலில் ரூ.1.79 கோடியும்,
5. சென்னை, பாடி அருள்மிகு திருவல்லீஸ்வரர் திருக்கோயிலில் ரூ.1.43 கோடியும்,
6. திருச்சி, மலைக்கோட்டை அருள்மிகு தாயுமானசுவாமி திருக்கோயிலில் ரூ.1.39 கோடியும்,
7. திருநெல்வேலி அருள்மிகு நெல்லையப்பர் திருக்கோயிலில் ரூ.1.26 கோடியும்,
8. திருவாரூர், திருத்துறைப்பூண்டி அருள்மிகு பிறவிமருந்தீஸ்வரர் திருக்கோயிலில் ரூ.1.24 கோடியும்,
9. சென்னை, திருவல்லிக்கேணி அருள்மிகு பார்த்தசாரதி திருக்கோயிலில் ரூ.1.16 கோடியும்,
10. காஞ்சிபுரம் கோவூர் அருள்மிகு சுந்தரேஸ்வரர் சுவாமி திருக்கோயிலில் ரூ.1.15 கோடி ஆகவும் இதுவரை வசூலிக்கப்பட்டுள்ளது.

அரசின் வழிகாட்டுதல்களாலும், இந்து சமய அறநிலையத்துறை அலுவலர்களின் தீவிரத் தொடர் நடவடிக்கைகளாலும் வாடகை/ குத்தகை மற்றும் நிலுவைத் தொகை வசூல் விரைவுபடுத்தப்பட்டுள்ளது. இதன்மூலம் திருக்கோயில் திருப்பணிகள், பக்தர்களுக்கான அடிப்படை வசதிகளை மேம்படுத்திட மிகவும் பயனுள்ளதாக அமையும்.

எனவே, கோயில் இடத்தில் குடியிருப்பவர்கள், குத்தகைதாரர்கள் முறையான வாடகை தொகையையும், நிலுவைத் தொகையையும் செலுத்தி திருக்கோயில் வளர்ச்சிக்கு உதவுமாறு கேட்டுக் கொள்ளப்படுகிறார்கள்’ எனத்தெரிவிக்கப்பட்டுள்ளது.

இதையும் படிங்க: நகைக் கடன் தள்ளுபடி: அலுவலர்களுக்கு எச்சரிக்கை விடுத்த அமைச்சர் ஐ.பெரியசாமி