இ.எம்.ஐ., 3 மாதம் நிறுத்திவைப்பு: கிரெடிட் கார்டுக்கு பொருந்துமா?

சென்னை: தனிநபர், தொழில் நிறுவனங்கள் பெற்ற கடன் நிலுவைக்கான தவணைகளை மூன்று மாதங்களுக்கு வசூலிக்காமல் தள்ளிவைக்க வங்கிகளுக்கு ரிசர்வ் வங்கி அனுமதி வழங்கியுள்ளது.

ரிசர்வ் வங்கி அறிவிப்பு தொடர்பான விளக்கங்கள், கடன்களுக்கான மாதாந்திர தவணையை திரும்ப செலுத்துவது தொடர்பான அறிவிப்பு மக்களுக்கு பல சந்தேகங்களை எழுப்பியுள்ளது.

பாரத ரிசர்வ் வங்கி

அதில் முதன்மையானது இந்த கடன்கள் தள்ளுபடி செய்யப்பட்டதா? அல்லது நான்காவது மாதத்தில் மொத்தமாக திரும்ப செலுத்த வேண்டுமா? கிரெடிட் கார்டுகளுக்கு இந்த அறிவிப்பு பொருந்துமா? உள்ளிட்டவை ஆகும்.

இ.எம்.ஐ. நிறுத்தம்

கரோனா வைரஸ் பாதிப்பு மற்றும் அதனால் ஏற்பட்டுள்ள முடக்கம் ஆகியவற்றால் மக்கள் கடுமையாக பாதிக்கப்பட்டுள்ளனர்.

மக்கள் வீடுகளில் முடங்கியுள்ளதால் பலரின் வருவாய் குறைந்துள்ளது. தற்காலிக தொழிலாளர்கள் வேலை இழந்துள்ளனர். இதனை கருத்தில் கொண்டு கடனாளர்கள், வீடு, வாகன, தனி நபர் கடன்களுக்கான அசல் மற்றும் வட்டியை உள்ளடக்கிய மாத தவணை (EMI) செலுத்துவதை மூன்று மாதம் ஒத்தி வைக்க வங்கிகளுக்கு ரிசர்வ் வங்கி உத்தரவிட்டுள்ளது.

கிரெடிட் கார்டு

அதாவது கடனை திரும்ப செலுத்த மூன்று மாதம் அவகாசம் வழங்கப்படும். இந்த உத்தரவு ஊரக வங்கிகள், கூட்டுறவு வங்கிகள், சிறு நிதி வங்கிகள் உள்ளிட்ட அனைத்து வங்கிகள், வீட்டு கடன் நிறுவனங்கள், வங்கி சாரா நிதி நிறுவனங்கள் ஆகியவற்றுக்கு பொருத்தும்.

கரோனா பரவல் பாதிப்பு

முக்கியமாக கிரெடிட் கார்டுகளுக்கும் இந்த அறிவிப்பு பொருந்தும். இவை வங்கியில் பெறப்பட்ட கடன்களுக்கு மட்டுமே பொருந்தும். மூன்று மாதத்துக்கு கடன்களுக்கான மாதாந்திர தவணை செலுத்த விலக்கு அளிக்கப்பட்டுள்ளது.

தள்ளுபடி

இவை தள்ளுபடி செய்யப்படவில்லை. தற்போது நாடு முழுவதும் ஊடரங்கு உத்தரவு பிறப்பிக்கப்பட்டுள்ளதால் மக்கள் தங்கள் வீடுகளை விட்டு வெளியே வராத நிலை ஏற்படுள்ளதால் இந்த சலுகை வழங்கப்பட்டுள்ளது.

மூன்று மாதத்துக்கு பிறகு மொத்த தவணையையும் சேர்த்து செலுத்த வேண்டியதில்லை. நீங்கள் தவணை செலுத்தும் காலம்தான் அதிகரிக்கும்.

தற்காலிக தீர்வு

உதாரணமாக மார்ச் மாதத்தில் நிறைவடையும் இ.எம்.ஐ. ஜூன் மாதத்தில் நிறைவடையும். உங்களால் கடனுக்கான தவணையை திரும்ப செலுத்த இயலவில்லை என்றால் இது குறித்து வங்கியிடம் தெரிவித்து நீட்டிப்பு பெறலாம்.

பணம்

ரிசர்வ் வங்கி அறிவித்ததால் மட்டுமே உங்களது வங்கி கணக்கில் இருந்து இ.எம்.ஐ. தொகை கழிக்காமல் இருக்க மாட்டார்கள். அதே போல் நிறுவனங்கள் தங்களது முதலீட்டு நிதிக்கு (வோர்கிங் கேப்பிட்டல்) வட்டி செலுத்துவதை 3 மாதம் ஒத்தி வைக்க ரிசர்வ் வங்கி அனுமதி அளித்துள்ளது.

ரிசர்வ் வங்கியின் இந்த அறிவிப்பால் நடுத்தர மக்களுக்கு வங்கி கடன் தொடர்பான பிரச்னை தற்காலிகமாக ஓய்ந்துள்ளது.