சென்னை: தமிழ்நாட்டில் கரோனா, ஒமைக்ரான் தாக்கம் நாளுக்கு நாள் அதிகரித்துவருகிறது. குறிப்பாக சென்னையில் கரோனாவால் பாதிக்கப்பட்டோரின் என்ணிக்கை 700-யை தாண்டி தீவிரம் அடைந்துள்ளது.
இந்தப் பரவலைத் தடுக்க மாநகராட்சி நிர்வாகம் பல்வேறு நடவடிக்கைகளை எடுத்துவருகிறது. வைரஸ் பரவலைக் கட்டுப்படுத்தும் நோக்கில் கரோனாவால் பாதிக்கப்பட்டோரின் தெருவைக் கட்டுப்படுத்தப்பட்ட பகுதியாக அறிவிக்கப்பட்டு, அந்தப் பகுதி சுகாதார அலுவலர்களின் நேரடி கட்டுப்பாட்டுக்குள் கொண்டுவரப்பட்டு தீவிர நடவடிக்கைகள் மேற்கொள்ளப்படும்.
இந்த நிலையில் சென்னையில் 38 ஆயிரத்து 379 தெருக்களில் கரோனா பாதிப்பு எவருக்கும் இதுவரை கண்டறியப்படவில்லை. 988 தெருக்களில் மூன்றுக்கும் குறைவான கரோனா தொற்றாளர்கள் உள்ளனர்.
