என் மகனுக்கு அறிவுரை கூறுவதை நிறுத்தி விட்டேன் - ஏ.ஆர் ரஹ்மான்!

சென்னை: தன் மகனுக்கு அறிவுரை வழங்குவதை நிறுத்தி விட்டதாக, இசையமைப்பாளர் ஏ.ஆர்.ரஹ்மான் கூறியுள்ளார்.

ஆகஸ்ட் 10ஆம் தேதி நடைபெற இருக்கும் இசை நிகழ்ச்சி குறித்து சென்னை அரும்பாக்கத்தில் இசைப்புயல் ஏ.ஆர்.ரகுமான் செய்தியாளர்களை சந்தித்து பேசினார். அப்போது அவர் கூறியதாவது,

சென்னையில், நிழச்சி நடத்தும் போது தனி உற்சாகம் வருகிறது, இரண்டு மாதங்களுக்கு மேல் இதற்காக உழைத்து இருக்கிறோம். எனவே இந்நிகழ்ச்சிக்கு நீங்கள் அனைவரும் ஆதரவு தரவேண்டும். இந்நிகழ்ச்சியில் புது புது பாடல்கள், பாடகர்கள் என இருக்கும். அதிகப்படியாக தமிழ் பாடல்கள், இந்தி பாடல்களும் இடம் பெறும். இது நம்ம ஊரு சென்னை அதனால் உத்வேகம் உற்சாகம் இருக்கும். ஊர்வசி ஊர்வசி பாடல் சிறிது மாற்றம் செய்தும், பிகில் படத்திலிருந்து ஒரு பாடலையும் பாடவுள்ளோம். பென்னி, ஹரிசரண் உள்ளிட்ட பலர் பாடுகிறார்கள். இது இசை நிகழ்ச்சி மட்டுமே தீம் எதுவுமில்லை.

உங்கள் மனகனுக்கு உங்கள் அறிவுரை!

என் மகனுக்கு அறிவுரை வழங்குவதை நான் நிறுத்தி விட்டேன், அவர்களுக்கு எல்லாம் தெரிகிறது. கூகுல் உள்ளிட்டவற்றின் மூலம் பலவற்றை கற்று கொள்கிறார்கள்.

என் மகனுக்கு நான் அறிவுரை சொல்வதை நிறுத்தி விட்டேன் - ஏ ஆர் ரஹ்மான்

வெளிநாட்டு கலைஞர்கள் பங்கேற்பு!

பல நாடுகளிலிருந்து பல்வேறு வகையான இசைக் கலைஞர்கள் இந்த நிகழ்ச்சியில் கலந்து கொள்கின்றனர். ஏனென்றால் நம் நாட்டின் கலாச்சாரம் குறித்தும், அவர்கள் நாட்டின் கலாச்சாரம் குறித்தும் ஒருவரை ஒருவர் அறிந்து கொள்ளும் வகையில் இது இருக்கும்.

எம்.எஸ்.வி, வாலி சிறப்பிக்கப்படுவார்களா!

மூன்று மணி நேரம் நடக்கும் நிகழ்ச்சி இது, எம்.எஸ்.வி., வாலி உள்ளிட்டோரும் பணியாற்றி உள்ளீர்கள் அவர்களுக்கு சிலை உள்ளிட்ட ஏதாவது பெருமைப்ப்டுத்தும் எண்ணம் இருக்கிறதா என்ற கேள்விக்கு பதிலளித்த ரஹ்மான், இசை அருங்காட்சியகம் அமைத்தால் நன்றாக இருக்கும். அதுகுறித்து ஆலோசனை செய்து வருகிறோம். மேலும் தமிழ்நாடு அரசின் உதவி கிடைத்தால் நன்றாக இருக்கும் என்று கூறினார்.