சென்னை கிண்டி அடுத்த ஆலந்துார், மார்கோ தெருவைச் சேர்ந்தவர் எழிலரசன் (20). இவர் தனியார் நிறுவனத்தில் வேலை செய்துவருகிறார். இந்நிலையில், இவரும் அதே பகுதியில் ஒன்பதாம் வகுப்பு படித்துவரும் 15 வயது மாணவியும் காதலித்து வந்துள்ளனர்.
இருவரும் நெருக்கமாகப் பழகிவந்துள்ளனர். இந்நிலையில் பள்ளி மாணவி கர்ப்பமாகி தற்போது மாணவிக்கு பெண் குழந்தை பிறந்துள்ளது.
இது தொடர்பாக மாணவியின் பெற்றோர் பரங்கிமலை மகளிர் காவல் நிலையத்தில் புகார் அளித்துள்ளனர். அதனடிப்படையில், மகளிர் காவல் துறையினர் வழக்குப்பதிவு செய்து விசாரணை மேற்கொண்டனர்.
மாணவிக்கு ஆசைவார்த்தை கூறி கர்ப்பமாக்கிய எழிலரசன் என்பவரை போக்சோ சட்டத்தில் கைதுசெய்து நீதிபதி முன் ஆஜர்ப்படுத்தி சிறையில் அடைத்தனர்.
