11, 12ஆம் வகுப்புத் தேர்வுகளை ஒத்திவைக்க வேண்டும் - ஸ்டாலின்

சென்னை: 11, 12ஆம் வகுப்பு பொதுத் தேர்வுகளை ஒத்திவைக்க வேண்டும் என்று திமுக தலைவர் மு.க. ஸ்டாலின் வலியுறுத்தியுள்ளார்.

இது தொடர்பாக அவர் வெளியிட்டுள்ள முகநூல் பதிவில் கூறியிருப்பதாவது:

11, 12ஆம் வகுப்பு பொதுத்தேர்வுகள் திட்டமிட்டபடி நடைபெறும் என அதிமுக அரசு அறிவித்திருப்பது கரோனா வைரஸ் அச்சுறுத்தலை அலட்சியப்படுத்துகிறதோ என்ற சந்தேகத்தை ஏற்படுத்துகிறது.

சி.பி.எஸ்.இ. உள்ளிட்ட மத்திய அரசு கல்வி நிறுவனங்களின் தேர்வுகள் அனைத்தும் ரத்துசெய்யப்பட்டுள்ள நிலையில், மாணவர்களின் பாதுகாப்புடன் அதிமுக அரசு விபரீத விளையாட்டு நடத்துவது கவலைக்குரியது மட்டுமின்றி கடும் கண்டனத்துக்குரியது.

ஆகவே, மாணவர்களின் நலன்கருதி 11, 12ஆம் வகுப்பு பொதுத்தேர்வுகளை அரசு ஒத்திவைக்க வேண்டும். இவ்வாறு அந்தப் பதிவில் ஸ்டாலின் குறிப்பிட்டுள்ளார்.