சென்னை: பழனியைச் சேர்ந்த சிவஞானம் என்பவர் தகவல் பெரும் உரிமை சட்டத்தின் கீழ் கடந்த 10 ஆண்டுகளில் டாஸ்மாக் கடைகள் எவ்வளவு இழப்பைச் சந்தித்துள்ளது என்று கோரியுள்ளார்.
இதற்கு பதில் அளித்துள்ள தமிழ்நாடு வாணிப கழகம் 2010-11 நிதியாண்டில் வருமான வரிக்கு முந்தைய இழப்பு 3.56 கோடி ரூபாயும், 2011-12இல் 1.25 கோடி ரூபாயும், 2012-13 ல் 103.6 கோடி ரூபாயும், 2013-14 ல் 64.44 கோடி ரூபாயும், 2015-16 ல் 67.61 கோடி ரூபாயும், 2019-2020 71.93 கோடி ரூபாயும் இழப்பு ஏற்பட்டுள்ளதாக தெரிவிக்கப்பட்டுள்ளது.
மேலும், 2020-2021 நிதியாண்டுக்கான இழப்பு கணக்கு தொகுக்கப்பட்டு வருவதாக டாஸ்மாக் நிறுவனம் கூறியுள்ளது. இது குறித்து மேல் முறையீடு செய்ய விரும்பினால் இத்தகவல் கிடைக்கப்பெற்ற 30 நாள்களுக்குள் அவ்வாறு செய்யலாம் எனவும் தெரிவிக்கப்பட்டுள்ளது.
இதையும் படிங்க: பொங்கல் பண்டிகை: ரூ 416 கோடிக்கு மது விற்பனை
