உலகின் மிகப்பெரிய இணைய வர்த்தக நிறுவனமான அலிபாபா நிறுவனத்தின் 20ஆம் ஆண்டு நிறைவு விழா செப்டம்பர் 10ஆம் தேதி நடைபெற்றது. அப்போது இணை நிறுவனரான ஜாக் மா பணி ஓய்வு பெறுகிறார் என அறிவிக்கப்பட்டது. ஜாக் மா தனது 55 வயதை நெருங்கிய நிலையில், இன்னும் ஒரு ஆண்டுக்குள் தனது பதவியிலிருந்து ஓய்வு பெறஉள்ளார்.
மேலும் 2013 மே 10ஆம் தேதி தலைமை செயல் அலுவலர் பொறுப்பிலிருந்து விலகிய ஜாக் மா ஆறு வருடங்களாக துணை நிறுவனர் பதவியில் இருந்து வருகிறார்.
உலக அளவில் அதிக வாடிக்கையாளர்களைக் கொண்ட இந்நிறுவனம் 1999ஆம் ஆண்டு தொடங்கப்பட்டது. தொடக்க காலத்தில் பல வீழ்ச்சியை சந்தித்த அலிபாபா, மிகக் குறுகிய காலகட்டத்தில் இணைய வர்த்தகத்தில் மிகப்பெரிய அளவில் வளர்ச்சி அடைந்தது.
அலிபாபாவின் 20ஆம் ஆண்டு நிறைவு விழா நடைபெற்ற அதே குப்பன் பூங்காவில் தான், ஜாக் மா முன்னிலையில் அந்நிறுவனம் உருவாவதற்கு அச்சாரம் போடப்பட்டது.
