கைகழுவ நினைவூட்டும் கூகுள் ஸ்மார்ட் வாட்ச்!

கரோனாவிலிருந்து தப்பிப்பதற்கு கைகழுவும் பழக்கத்தை மக்களுக்கு ஞாபகப்படுத்தும் வகையில் கூகுளின் ஸ்மார்ட் வாட்சுக்கான புதிய அப்டேட்டில் நினைவூட்டல் வசதி சேர்க்கப்பட்டுள்ளது.

உலகை மிரட்டும் கரோனா வைரசைக் கட்டுப்படுத்த முடியாமல் பல நாடுகள் திணறிவருகின்றன. இந்த வைரசிலிருந்து தற்காத்துக் கொள்வதற்காக மக்கள் கைகளை ஒழுங்காகக் கழுவ வேண்டும் எனவும், வீட்டைவிட்டு வெளியே சென்றால் முகக்கவசம் அணிய வேண்டும் எனவும் அறிவுறுத்தப்பட்டுள்ளது.

இருப்பினும் மக்கள் சில நேரங்களை வேறு வேலைகள் காரணமாக தங்களைச் சுத்தமாக வைக்க வேண்டும் என்பதை மறந்துவிடுகின்றனர். அதைச் சரிசெய்யும் நோக்கத்திலேயே கூகுள் நிறுவனம் இத்தகையே முயற்சியில் ஈடுபட்டுள்ளது.