மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றை தழுவி இயக்குநர் ஏ.எல்.விஜய் இயக்கத்தில் 'தலைவி' திரைப்படம் உருவாகி உள்ளது. இந்தத் திரைப்படத்தில் ஜெயலலிதா கதாபாத்திரத்தில் நடிகை கங்கனா ரனாவத் நடித்துள்ளார்.
தமிழ், தெலுங்கு, ஹிந்தி ஆகிய மூன்று மொழிகளில் வெளியிடப்படவுள்ள இந்த படத்தில் எம்ஜிஆராக அரவிந்த்சாமியும், கலைஞர் கருணாநிதியாக பிரகாஷ் ராஜூம் நடித்துள்ளார். மேலும், பல முக்கிய கதாபாத்திரங்களில் சில முன்னணி நடிகர், நடிகைகள் நடித்துள்ளனர்.
இந்தத் திரைப்படத்திற்கு இசையமைப்பாளர் ஜிவி பிரகாஷ்குமார் இசை அமைத்திருக்கிறார். வெளியீட்டுக்கு தயாராக காத்திருக்கும் இந்த படத்தின் தமிழ் மற்றும் ஹிந்தி ஆகிய இரு மொழிகளுக்கான டிஜிட்டல் உரிமத்தை அமேசான் மற்றும் நெட் பிளிக்ஸ் நிறுவனத்திடம், 55 கோடிக்கு விற்கப்பட்டுள்ளதாக கசிந்த தகவலை படத்தின் கதாநாயகி கங்கனா ரனாவத் உறுதிப்படுத்தியுள்ளார்.
- " class="align-text-top noRightClick twitterSection" data="">
இது தொடர்பாக நடிகை கங்கனா ரனாவத் கூறுகையில், "OTT திரை வெளியீடு தளத்தில் இந்தத் திரைப்படம் வெளியிடப்படுமா என கேள்விக் கேட்கப்படுகிறது. இது போன்ற நவீன தொழில்நுட்பத்தை ஆதரிக்க வேண்டும், ஏற்க வேண்டும் என்பதில் மாற்றுக்கருத்தில்லை. இருப்பினும், அது திரைப்படத்திற்கு ஏற்ப முடிவு செய்யப்பட வேண்டும்.
தலைவி பெரிய பட்ஜெட் திரைப்படமாக உருவாக்கப்பட்டுள்ளது. பெருமளவிலான திரையரங்க வெளியீட்டிற்காக தலைவி காத்திருக்கிறது. தலைவி போன்ற ஒரு படத்தை டிஜிட்டலில் வெளியிட முடியாது, ஏனெனில் அது மணிகர்னிகா போன்ற ஒரு திரைப்படமில்லை. பங்கா, ஜட்ஜ்மென்டல் ஹை க்யா போன்ற படங்களும் டிஜிட்டல் வெளியில் பார்வையாளர்களைப் பூர்த்தி செய்கின்றன.
தலைவி திரைப்படம் தயாரிக்கப்பட்ட விதம், பெரும் செலவிலானது. அதனால், OTT டிஜிட்டல் வடிவில் தலைவி முதலில் வெளியாக வாய்ப்பில்லை" என தெரிவித்தார்.
