கிராண்ட்ஸ்லாம் டென்னிஸ் தொடர்களில் ஒன்றான பிரெஞ்சு ஓபன் டென்னிஸ் தொடர், பிரான்ஸ் தலைநகர் பாரிஸில் நடைபெற்றுவருகிறது. இதில், ஆடவர் ஒற்றையர் பிரிவு மூன்றாம் சுற்றுப் போட்டி நேற்று நடைபெற்றது. இதில், சுவிட்சர்லாந்தின் நட்சத்திர வீரர் ஃபெடரர், நார்வேயின் கேஸ்பர் ரூட் உடன் மோதினார்.
முதல் செட்டை 6-3 என்ற கணக்கிலும், இரண்டாவது செட்டை 6-1 என்ற கணக்கிலும் ஃபெடரர் லாவகமாக கைப்பற்றினார். இதைத்தொடர்ந்து, ஆட்டத்தின் வெற்றியாளரை தீர்மானிக்கும் மூன்றாவது செட் போட்டி நடைபெற்றது. இதில், ஃபெடரர் 7-6 என்ற கணக்கில் டை பிரேக்கர் மூலம் போராடி வெற்றிபெற்றார்.
இதன் மூலம், ஃபெடரர் இப்போட்டியில் 6-3, 6-1, 7-6 என்ற நேர் செட் கணக்கில் வெற்றிபெற்று நான்காவது சுற்றுக்கு முன்னேறினார். இந்த வெற்றியின் மூலம், ஃபெடரர், கிராண்ட்ஸ்லாம் டென்னிஸ் போட்டிகளில் 400 வெற்றிகளை பதிவு செய்த முதல் வீரர் என்ற பெருமையை பெற்றார்.
டென்னிஸ் போட்டியில் ஜாம்பவான் வீரராக திகழும் ஃபெடரர், இதுவரை 20 கிராண்ட்ஸ்லாம் பட்டங்களை வென்று முடிசூடா மன்னாக திகழ்கிறார் என்பது குறிப்பிடத்தக்கது.
