ஊரடங்கு உத்தரவு மீறல்: திருப்பத்தூரில் 9,644 பேர் மீது வழக்குப் பதிவு

திருப்பத்தூர்: மாவட்டத்தில் ஊரடங்கு உத்தரவை மீறியதாக 9 ஆயிரத்து 644 பேர் மீது வழக்குப் பதிவு செய்யப்பட்டுள்ளது.

தமிழ்நாடு முழுவதும் நேற்று முழு ஊரடங்கு உத்தரவு பிறப்பித்த நிலையில், திருப்பத்தூர் மாவட்டக் காவல் கண்காணிப்பாளர் விஜயகுமாரின் உத்தரவின்படி, திருப்பத்தூர், ஜோலார்பேட்டை, வாணியம்பாடி, ஆம்பூர், நாட்றம்பள்ளி, கந்தலி, ஆலங்காயம், உள்ளிட்ட பல்வேறு பகுதிகளில் ஊரடங்கு உத்தரவை மீறியதாக, 9 ஆயிரத்து 644 நபர்கள் மீது வழக்குபதிவு செய்யப்பட்டுள்ளது.

மேலும், 8 ஆயிரத்து 602 இருசக்கர வாகனங்கள், 105 ஆட்டோக்கள், 20 நான்கு சக்கர வாகனங்கள் என 8 ஆயிரத்து 727 வாகனங்கள் பறிமுதல் செய்யப்பட்டுள்ளன.