புதுச்சேரி காட்டேரிக்குப்பம் அருகேயுள்ள சந்தைபுது குப்பத்தைச் சேர்ந்தவர் நாகராஜ். இவரது வீட்டில் கஞ்சா செடி வளர்க்கப்படுவதாகக் காவல் துறையினருக்கு ரகசியத் தகவல் கிடைத்தது. அத்தகவலின் அடிப்படையில் காவல் துறையினர் நாகராஜ் வீட்டில் அதிரடியாகச் சோதனை செய்தனர்.
அப்போது நாகராஜ் வீட்டில் கஞ்சா செடி போன்ற தோற்றத்தில் 12 அடி உயரத்தில் ஒரு செடி வளர்ந்திருப்பதைக் கண்டு அதிர்ச்சியடைந்தனர். இதையடுத்து நாகராஜனைப் பிடித்த காவல் துறையினர் நடத்திய விசாரணையில், இதில் அவரது நண்பருக்கும் தொடர்பு இருப்பது தெரியவந்தது.
பிறகு அங்கு வளர்க்கப்படும் செடி கஞ்சா செடி தானா என்பதை உறுதி செய்ய வனத்துறையினர் வரவைக்கப்பட்டனர். அது உறுதியான நிலையில், குற்றவாளிகள் மீது காவல் துறையினர் வழக்குப் பதிவு செய்து தீவிர விசாரணை நடத்தி வருகின்றனர்.
இதையும் படிங்க: தூத்துக்குடியில் 5 கோடி மதிப்பிலான கஞ்சா எண்ணெய் பறிமுதல்!
