கரோனா தொற்றிலிருந்து மீண்ட கே.சி.ஆர்.!

தெலங்கானா முதலமைச்சர் சந்திரசேகர் ராவிற்கு மேற்கொள்ளப்பட்ட ஆன்டிஜென் சோதனையில் அவருக்கு தொற்று இல்லை என சோதனை முடிவில் தெரியவந்துள்ளது.

தெலங்கானா முதலமைச்சர் சந்திரசேகர் ராவிற்கு கடந்த 19ஆம் தேதி கரோனா தொற்று இருப்பது உறுதிசெய்யப்பட்டது. லேசான அறிகுறிகள் இருந்ததால் அவரை தனிமைப்படுத்திக் கொள்ளுமாறு மருத்துவர்கள் அறிவுரை வழங்கினர்.

சந்திரசேகர் ராவிற்கு நேற்று (ஏப்ரல் 28) ரேபிட் ஆன்டிஜென், ஆர்டி-பிசிஆர் சோதனைகள் மேற்கொள்ளப்பட்டன. ரேபிட் ஆன்டிஜென் சோதனை முடிவில் அவருக்கு கரோனா தொற்று இல்லை என முடிவு வந்த நிலையில், ஆர்டி-பிசிஆர் சோதனை முடிவு இன்று (ஏப்ரல் 29) வெளியாகிறது.

முன்னதாக தெலங்கானா மாநிலத் தகவல் தொழில்நுட்பத் துறை அமைச்சரும், முதலமைச்சர் கே.சி.ஆரின் மகனுமான கே.டி.ஆருக்கு கரோனா தொற்று உறுதிசெய்யப்பட்டது என்பது குறிப்பிடத்தக்கது.