ராஜஸ்தான் மாநிலத்தின் சமூக நீதித்துறை அமைச்சராக இருந்தவர் பன்வர் லால் மேக்வால். இவர் மூளையில் ஏற்பட்ட ரத்தக்கசிவு காரணமாக குர்கானில் உள்ள மேதாந்தா மருத்துவமனையில் ஆறு மாதங்களுக்கு மேலாக சிகிச்சைப் பெற்று வந்தார். சிகிச்சைப் பலனின்றி நேற்று மருத்துவமனையிலேயே இயற்கை எய்தினார். இவரது இறுதிச்சடங்கு இன்று (நவ.17) ராஜஸ்தானில் நடைபெறவுள்ளது.
அமைச்சர் பன்வர் லால் மறைவுக்கு அஞ்சலி செலுத்தும் விதமாக இன்று மாநிலம் முழுவதும் துக்கம் அனுசரிக்கப்படுகிறது. அரசு அலுவலக ரீதியான எவ்வித நிகழ்வுகளும் நடைபெறாது. அமைச்சர் பன்வர் லாலின் சேவைக்கு மரியாதை செலுத்தும் விதமாக தேசியக் கொடி அரைக்கம்பத்தில் பறக்கவிடப்படும்.
அமைச்சர் மாஸ்டர் பன்வர்லால் மேக்வாலின் மறைவுக்கு பிரதமர் மோடி தனது ட்விட்டர் பக்கத்தில் ஆழ்ந்த இரங்கல் தெரிவித்துள்ளார். அதில்,”ராஜஸ்தான் அமைச்சர் மாஸ்டர் பன்வர்லால் மேக்வாலின் மறைவு வேதனையளிக்கிறது. அவர், ராஜஸ்தானுக்கு சேவையாற்றுவதில் துடிப்புடன் விளங்கிய மூத்த தலைவர். இந்தக் துயரமான வேளையில் அவரது குடும்பத்துக்கும், ஆதரவாளர்களுக்கும் எனது ஆழ்ந்த அனுதாபத்தைத் தெரிவித்து கொள்கிறேன்”எனக் கூறியுள்ளார்.
இதைப் போலவே மேக்வாலின் மறைவிற்கு அம்மாநில முதலமைச்சர் அசோக் கெலாட் இரங்கல் தெரிவித்தார். அவர்,“எங்கள் மூத்த அமைச்சர் பன்வர் லால் மேக்வால் நீண்ட கால சிகிச்சைக்குப் பிறகு காலமானதில் மிகுந்த வருத்தம் அடைகிறேன். 1980ஆம் ஆண்டு முதல் நாங்கள் ஒன்றாக இருக்கிறோம். இந்தக் இக்கட்டான நேரத்தில் அவரது குடும்ப உறுப்பினர்களுக்கு எனது ஆழ்ந்த அனுதாபங்களைத் தெரிவித்துக் கொள்கிறேன்” என்றார்.
-
Deeply saddened at the passing away of my ministerial colleague Master Bhanwar Lal Meghwal ji after a prolonged illness. We have been together since 1980. My heartfelt condolences to his family members in this most difficult time, may God give them strength. May his soul RIP.
— Ashok Gehlot (@ashokgehlot51) November 16, 2020 " class="align-text-top noRightClick twitterSection" data="
">Deeply saddened at the passing away of my ministerial colleague Master Bhanwar Lal Meghwal ji after a prolonged illness. We have been together since 1980. My heartfelt condolences to his family members in this most difficult time, may God give them strength. May his soul RIP.
— Ashok Gehlot (@ashokgehlot51) November 16, 2020Deeply saddened at the passing away of my ministerial colleague Master Bhanwar Lal Meghwal ji after a prolonged illness. We have been together since 1980. My heartfelt condolences to his family members in this most difficult time, may God give them strength. May his soul RIP.
— Ashok Gehlot (@ashokgehlot51) November 16, 2020
அரசு பள்ளியில் உடற்பயிற்சி ஆலோசகராகப் பணியாற்றிய பன்வர் லால், 1977ஆம் ஆண்டு சட்டப்பேரவைத் தேர்தலில் போட்டிட தனது வேலையை ராஜினாமா செய்தார்.
தனது வாழ்க்கைப் பயணத்தில் 41 ஆண்டுகளாக தீவிர அரசியல்வாதியாக இருந்த மேக்வால் ஐந்து முறை சட்டப்பேரவை உறுப்பினராக இருந்துள்ளார் என்பது குறிப்பிடத்தக்கது.
இதையும் படிங்க:'பிகார் அரசு மே.வங்க தேர்தல் வரை நீடிக்கும்'- பூபேஷ் பாகல்
