புதுச்சேரி: புதுச்சேரி அரசியலிலிருந்து ஜனவரி மாதத்திலிருந்து விடைபெறப் போவதாக அமைச்சர் மல்லாடி கிருஷ்ணா ராவ் அறிவித்துள்ளார்.
ஆந்திர மாநில முதலமைச்சர் ஒ.எஸ்.ஆர். ஜெகன்மோகன் ரெட்டி தலைமையிலான நிகழ்வு விஜயவாடா நகரில் நடந்தது. அதில் புதுச்சேரி அமைச்சர் மல்லாடி கிருஷ்ணா ராவ் முக்கிய விருந்தினராக கலந்துகொண்டு பேசினார்.
அதில், “ஆந்திராவில் ஜெகன் தலைமையில் சிறப்பான ஆட்சி நடக்கிறது. இவரது மக்கள் நலத் திட்டங்கள் புதுச்சேரியிலும், தமிழ்நாட்டிலும் மக்களின் கவனத்தை ஈர்த்துள்ளது. இச்சூழலில், எனக்கு மூன்றாவது முறையாகச் சிறந்த சட்டப்பேரவை உறுப்பினருக்கான விருது ஏனாமில், புதுச்சேரி அரசு சார்பில் அளிக்கப்படுகிறது.
இந்த நிகழ்வில் பங்கேற்பதற்கான முதல் பத்திரிகையை ஜெகனுக்கு வழங்க ஆசைப்படுகிறேன். மேலும், அடுத்தாண்டு ஜனவரி 6ஆம் தேதி எனது புதுச்சேரி மாநில அரசியலுக்கு முற்றுப்புள்ளி வைக்க எண்ணுகிறேன்” என்று அவர் பேசியுள்ளார். இது புதுச்சேரி அரசியல் வட்டாரத்தில் பெரும் பரபரப்பை ஏற்படுத்தியுள்ளது.
