ஜம்மு-காஷ்மீர்: ஜம்மு-காஷ்மீர் மாநிலத்தின் ஷோபியான் மாவட்டத்தில் வெடிமருந்துகள் மற்றும் ஆயுதங்களை பதுக்கி வைத்திருந்த மறைவிடத்தைக் காவல்துறையினர் அழித்தனர். அந்த மறைவிடத்தில் மிகவும் ஆபத்தான வெடி பொருட்கள் மற்றும் ஆயுதங்கள் இருந்ததாக காவல்துறையினர் தெரிவித்தனர்.
காவல் துறை அளித்த தகவலின்படி, ஷோபியான் மாவட்டத்தின் குட்போரா பகுதியை இரவு நேரத்தில் சுற்றி வளைத்து பாதுகாப்பு படையினர் தேடுதல் வேட்டையை தொடங்கினர். இந்த தேடுதல் நடவடிக்கையின் போது வீட்டில் இருந்த மறைவிடம் அழிக்கப்பட்டது.
இதுகுறித்து முக்கிய காவல் அதிகாரி கூறியதாவது. ‘இரவில் தீவிரவாதிகள் நடமாட்டம் இருப்பதாக தகவல் கிடைத்ததும், குட்புரா ஷோபியானில் போலீசார் மற்றும் ராணுவத்தினர் தேடுதல் வேட்டையில் ஈடுபட்டனர். இதற்கிடையே, ராணுவ வீரர்கள் மீது தீவிரவாதிகள் கையெறி குண்டுகளை வீசிவிட்டு அங்கிருந்து தப்பியோடினர்’ எனக் கூறினார்.
இதையும் படிங்க:பகத் கி கோத்தி ரயில் விபத்துக்குள்ளானது... 50க்கும் மேற்பட்டோர் காயம்...
